منيو » منيو ورقم مطعم تشيكن بلانت

من زمان قوى مفتقدين طعم الFried Chicken النضيف الطعم اللى تحس و انت بتاكله إنك حقيقى مستمتع بكل قطمة من غير ما تكون القطعة مزيتة أو مش نضيفة او ليها لون أو حاجات كتير قوى لحد ما إكتشفنا المكان الجبار اللى من يوم ما فتح و هو مكتسح فعلاً و لما دوقناه رجعنا لأيام الFried Chicken الدهبى اللى لحمتها بيضة و من أول ما تشوفها ريقك يجرى 😍

الFried Chicken من الFast Foods بس من أهم مميزات المكان ده إنهم بينزلوا القطع فى الزيت من أول ما تطلبوا الOrder و لو ساندوتشات فتتعمل فريش فالأكل هينزلك طازة و سخن 😋 مش معمول بقاله نص ساعة و محطوط فى حافظ الحرارة 👌🏼

الناس فى المكان Friendly جداً و بيبقى ناقص يشيلوا الواحد من على الأرض شيل 😅

المكان نضيف و شيك و من أهم الحاجات إن الأسعار اللى مكتوبة فى المنيو هى اللى انتوا بتدفعوها 😍 و عندهم وجبة حلوة جداً و هترضى معظم الأكيلة الوجبة دى اسمها The Fourth و بتبقى ٤ قطع فراخ و القطع عندهم كبيرة 🤩 و معاها كلوسلو و بطاطس و عيش ب٦٦ج 👌🏼

جربنا معظم الحاجات عندهم و كل حاجة أحلى من التانية و واصفين ليكم اللى جربناه فى الصور 😋

العنوان: ٢١ش عبدالحميد بدوى-مصر الجديدة-أمام بوابة ٢ نادى الشمس (العمارة اللى فيها Orange)

التليفون: ‭‬٠١٢٠٠٠٠٠٤٢٤

افتح منيو المنيو منيو ورقم مطعم تشيكن بلانت

Advertisements

Leave a Reply