البيتزا دي اسمها Deep dish pizza ودي أكبر جريمة اتعملت في تاريخ البيتزا علي الاطلاق ??

المكان: Country Hills
احنا من الناس اللي بمجرد ماييجي اسم البيتزا في حاجة من غير تفكير في مضمونها بناخد فضولنا وشهيتنا وبنقرر نجرب علي طول ? الجريمة المرة دي كانت أعظم من أي مرة..تخيل انك بتاكل بيتزا العجينة بتاعتها معمولة علي هيئة طاجن جواه بركان هائل من الموتزريلا و chunky tomato صوص غرقان فيهم الحاجات اللي احنا متعودين ناكلها كToppings زي الcold cuts والتشيكن والبيف والخضار وكدة فالموضوع بيبقي اكسترا Juicy واكسترا لغوصة واكسترا شد ومط واكسترا طعم عمرنا ماجربناه للبيتزا من كتر ما كمية الموتزريلا الناعمة بتاعتهم كيفتنا فعلا ?
لو فاكر أن ده آخرهم تبقي غلطان..المكان ده بيعمل أكل اميريكان علي حق وجايب أكلات كتير جديدة وغريبة ومسمع في اسكندرية بقاله فترة ومؤخرا بقينا نسمع عنه في مصر الجديدة وده علشان المنيو بتاعتهم كلها مختلفة فعلا لانها Authentic American فعلا وهتحس بده جدا في الطعم كمان مش بس في الاسم او الشكل ? عندهم فظاعات تانية كتير زي الMac n Cheese اللي بيعملوها بأكتر من ١٠ طرق والCasseroles والبرجرز وطبعا البيتزا اللي خلاص بقت ادمان وحتي الستيك عندهم مختلف وهتلاقوا وصف أكتر للحاجات اللي جربناها مع الصور..

العنوان: ٢٤ شارع الميرغني – مصر الجديدة – أمام نادي هليوبوليس بوابة ٧
التليفون: 01029101111