منيو » منيو ورقم وعنوان مطعم حضر موت عنتر

المكان ده بيقدم الأكل ب Style أهل قريش 😂


عاملين صنية جديدة اسمها صنية المافيا و دى للوحوش بس و محتاج قبل ما تمد ايدك فى الأكل تتقمص الأول شخصية أبو لهب و تشمر و تخش بقلب جامد انت و أصحابك 🕺🏻 الصنية العالمية دى بيبقى فيها لحم مندى و كفتة و كبدة ضانى مرصوصين على هرم رز بسمتى بالخلطة 🤤 و الصنية دى ب ٥٥٠ جنيه بصلطاتها ب بابا غنوجها و تكفى من ٤ ل ٦ وحوش على حسب حجم الأكيلة 💪🏻من ساعة ما عرفنا المكان ده و كلنا فيه مندى و إحنا كل ما تطلب معانا أكلة مندى حرشة معمولة بحرفنة بنطير عليهم عشان الناس دى محترفة فى تسوية المندى و عندهم حفر فى الأرض بيسووا فيها لحمتهم بالطريقة الأصلية عشان كده اللحمة بتطلعلك دايبة 😋 الرز بتاعهم عشق و خاصةً إنه بتبقى ريحته واخدة من اللحمة الضانى اللى مرصوصة عليه و ياسلام بقى لما تحط شوية صلصة على الرز و تاكل 😍اللى بنحبه فى المطعم ده إنهم محافظين على Taste الأكل و كل مرة بنتكيف من الأكل جداً و محافظين على نضافة المكان و مهما روحنا و لقينا المكان زحمة الخدمة برضو بتكون كويسة جداً و مافيش حاجة بتاخد أكتر من وقتها 👌🏼♥️عاملين دور كامل قعدات عربى و طبالى للعائلات عشان لو عايزين تاكلوا و ترحرحوا

في مطاعم كتير بإسم حضرموت .. بس حضرموت عنتر بدأ من 23 سنة و الفرع دا بقاله 10 سنين، دا معناه إن عندهم الخبرة و عارفين كويس اوي هما بيعملوا ايه، متخصصين في المندي و كل اللحوم اللي بيستخدموها بتبقى جديان، او فراخ، حمام و الطواجن بتبقى كندوز بلدي بدأنا رحلة التذوق بالطبق الاشهر: تمن تيس بالرز: اللحمة متقطعة كلها تقريبا نفس الحجم لونه دهن النيفة بيبقى اصفر زي الكاسترد و اللحمة ملبسة و شاربة الطعم اللي في الدهن و يا سلام بقى على الرز اللي بيقى واخد طعم كل دا، الريش بتبقى صغيرة، ريحتها نضيفة،و مستوية لدرجة انك بتسلت العضم من الريش بصوابعك و تدوب فب بؤك زي الزبدة بألف هنا و شفا و خد بالك إننا بنتكلم عن تمن تيس مش ربع كيلو، يعني يكفي من 2 ل 3 أمستريح الفراخ المندي بالرز: تسوية الفراخ، لونها و طعمها مظبوط زي ما كنت باكلها في السعودية، و الرز نفسه طعمه حلو و بيقدموه مع الزبيب الاحمر بالطعم الاصلي للمندي مش مجرد رز بسمتي اصفر، و بيتقدم معاه السحاوي اللي هي باكون صوص الطماطم بالفلفل، الطبق على بعضه ممتاز و من احسن الاماكن اللي كلت فيها المندي في مصر جربت كمان الفراخ المشوية عالفحم: تتبيليتها ممتازة و الفراخ نفسها طرية جدا و مستوية 100% بس مش مستوية زيادة و ناشفة و في نفس الوقت مفيهاش فتفوتة مش مستوية و باين انها كانت بايتة في التتبيلة لان الطعم فعلا كان واصل لكل حتة فيها، و كمان الفراخ الشواية طعمها كان مختلف و ملحها كان مظبوط و لذيذة، بتتقدم مع عيش شامي، رز، بطاطس محمرة و تعتبر وجبة كاملة فيها كل حاجة من الحاجات القوية اوي عندهم كمان الكفتة، طبعا مشوية عالفحم و ريحة الشوي عالفحم باينة فيها، الطرب نفس الكلام بس لازم يتاكل و هو سخن عشان المنديل لما بيبرد بيفقد كتير من حلاوته دوقت طاجن البامية باللحمة و البطاطس الاتنين كانت تسويتهم زيادة شوية بس بالنسبالي انا بحب التسوية دي أكتر بتخلي وش الطاجن يتشمع 😋 و كمية اللحم اللي في الطواجن حلوة جدا بالنسبة للسعر، المولوخية كانت عظيمة و طشتها بتتعمل عالترابيزة بيعملوا عيش تميس و دا مشهور أوي في الخليج شبه عجينة البيتزا و بيحلي أي حاجة تتاكل بيه، أكتر حاجة لفتت انتباهي كانت طبق الجبنة القديمة بالطحينة .. ممكن اطلبهم لوحدهم اصلا بعد كدة من كتر ما عجبوني واكيد بعد دة كلو لازم نحبس بشاي جالنا براد شاي نحاس كدة حاجة عظمة المطعم ملهوش فروع تانية “” يعني أي حضرموت تاني مش تبعهم”” عبارة عن 3 ادوار و ممكن لو عندك مناسبة تحجز كمان في القعدة العربي اللي فوق لو عندك عقيقة أو عيد ميلاد او اي مناسبة المواعيد من 10 الصبح ل 5 الفجر في دليڤري كاش بس الصالة 3 ادوار منهم قعدة عربي رقم الدليڤري 01282446664 01114292994 0226999993 العنوان: الحرفيين ٩ شارع جمال عبد الناصر – جسر السويس


افتح منيو المنيو منيو ورقم وعنوان مطعم حضر موت عنتر
Advertisements

Leave a Reply