منيو » منيو ورقم وعنوان مطعم كبدة الكيف

كبدة الكيف – Kebda Elkeif – زهراء المعادي الكبدة بتاعت الفلاح اللي في اسكندرية بس دي اشيك ✋ مع كامل احترامي للفلاح بس هتعرفوا الفرق في ايه دلوقتي الكبدة بتتقطع شرايح رفيعة أعرض من العصافيري، و مفيش فيها توم كتير، تسويتها مظبوطة عشان كدة تلاقي الكبدة طرية و طعمها واضح السجق اللي بيعملوه تحس إن اللي عامله صيدلي من كتر ما هو نضيف 🤣 مع صوص طماطم خفيف ميزته إنه مبيعملش حموضة .. بناء على تجارب كتير في اوقات متأخرة بالليل الفرق في ايه؟ اولا العيش اللي بيستخدموه دايما طازة، و لقمة العيش نفسها طرية اوي و مليانة كبدة و مش شارب مية الكبدة بيبعت مع كل طلب الفلفل الاخضر الحراق و الليمون، نضاف و طازة و مغسولين في كيس لوحدهم و كمان علب طحينة و مخلل عددهم مناسب لعدد السندوتشات و الساندوتشات بتتقدم ملفوفة في ورق حراري نضيف مؤخرا كمان جربت المكرونات، سواء اللي بالكبدة أو السجق ال2 عاديين مفيش فيهم افتكاسة بس دا في حد ذاته كويس .. اللي هو بدل ما الكبدة او السجق في عيش فينو هيبقوا مع مكرونة بالصلصلة و الكمية مناسبة و مشبعة .. المميز بقى الطلب بيوصل في علبة زي علبة البيتزا، هتلاقي فيها طبق فويل و معلقة نوعها نضيف ” مش اللي بتتكسر على طول في الاكل” و بيبعت مع اوردر المكرونة كيس شيبسي صغير و علبة دقة و علبة شطة و من الحاجات اللطيفة جدا انهم مبياخدوش رسوم توصيل، يمكن عشان مكاني قريب منهم، بس دي ميزة لوحدها بتريح دماغك من قصة إنك تلم أوردر و يجي حد يقولك طب انا هغير كذا بكذا، و وجع الدماغ بتاع الفكة … ساندوتش الكبدة / السجق ب 6 جنيه و الكبير ب 12 المكرونة بالكبدة ب 32 و بالسجق ب 40 و باقي الاسعار في المنيو في الصور مفيش صور للمطعم نفسه لاني عمري ما رحت بس كل تعاملي معاهم دليڤيري و بصراحة مبيتأخروش عن 30 دقيقة براڤو بجد 👏👏👏 اتمنى مستواهم ميتغيرش و يفضلوا مستمرين على كدة على طول العنوان: زهراء المعادي شارع الخمسين رقمهم: 01222201610

افتح منيو المنيو منيو ورقم وعنوان مطعم كبدة الكيف
Advertisements

Leave a Reply