منيو » منيو مطعم مرزوقة

الفطار المصري كما يجب أن يكون مايطلعش غير من مكان كان بادئ عربية فول و اتحول لمطعم زي ما بيقول الكتاب المكان مطعم مرزوقة عندما تجتمع الألوان والبهجة مع عربية فول متأصلة موجودة في استقبالك في مدخل المكان لازم نعرف أن الموضوع هيوصل لأبعد من الفول والطعمية هما في الأصل كانوا عربية فول واتطوروا لحد ما وصلوا للشكل التحفة ده وفتحوا مطعم كامل متكامل ومن ساعتها وهما معلمين وبيلعبوا في حتة لوحدهم ومش بيبطلوا افتكاسات جديدة كل مرة بننبهر بيها الفول هناك بيجيلك من القدرة فبيبقي ليه طعم تاني وبيعملوه باختراعات كتير زي الفول بالليمون المعصفر اللي مش هتلاقوه في أي مكان او أي عالم تاني تقريبا وبيكون عظيم اوي ده غير الاسكندراني بالسجق اللي بيفرموا السجق بتاعه هناك بنفسهم فتوابله بتطلع مظبوطة وسبايسي من اللي قلبك يحبها حتي الفول بالزيت الحار بيستخدموله زيت بذرة الكتان يعني فبيبقي حلو اوي وخفيف فتقدر تضرب منه من غير ما تحتاج دوا حموضة بعدها حتي الطعمية بيحشوها جبنة كيري فتحسها juicy ومتدلعة من جوا والجبنة الكيري هتحسها بتنزل تخفف شوية من تقل الطعمية وبيحشوها بسطرمة وخلطة كمان ده مكانش اخرهم في الافتكاسات واكتشفنا أن البتنجان المقلي كمان بيقشروه الأول وبيعملوه ببريدينج دقيق فبيبقي خفيف برضو ومش بيلسع زي اللي متعودين عليه وياسلام بقي علي البطاطس المزمزة اللي بيعملوا ويدجز ومقرمشة وبتوابل حلوة اوي وبينزل معاها كوكتيل صوص وسويت تشيلي صوص وطبعا الأكلة دي متكملش من غير البيض فخدنا بيض بالبسطرمة وبيض بيتزا ده برضو اختراع ⁦❤️⁩ من اكتر الحاجات اللي عجبتنا إنهم بيهتموا بكل تفصيلة في الأكل بحيث تاكل وتدبها زي ما انت عايز من غير ما تحس انه كان تقيل ومن غير ما يتعبك فبرضو الجبنة القديمة بيحطوا معاها طحينة بحيث تهديها شوية وعاملين كمان لبنة شرقي دي من اختراعهم بتكون حاجة هادية وملبن كدة في نفسها علشان تفصل تطري عليك شوية وتقدر تكمل ده غير انهم عاملين حاجه خاصة لعملاء الصاله لما بتاكلوا هناك العيش بيخبزوهلكوا بنفسهم بدقيق أبيض وأول بأول فبيجيلك سخن وطازة وبرضو علشان تبقي متأكد من جودة ونضافة كل حاجة هناك

العنوان: شارع ٩ – المقطم – بعد سوبر ماركت خير زمان – أمام سمارت ستورز

التليفون: 01061682014 – 01100772595

افتح منيو المنيو منيو مطعم مرزوقة
Advertisements

Leave a Reply