منيو » منيو ورقم مطعم تراك برجر

أول Riders restaurant في مصر 🤩 هتاكل و انت راكب عربية أو موتوسكل .. احساس جميل ❤

المكان: Track Burger

#ليه_تجربوه

كسروا كل التوقعات وكسروا كل القواعد ودخلوا بالعربيات والموتسكلات جوا المطعم بتاعهم عادي 🤩 تخيل انت تروح تاكل أحلي واكتر برجر Juicy هتجربه تقريبا وانت قاعد في عربية Volkswagen Beetle قديمة أو علي سكوتر Vintage وعتيق 😍 ده غير إنهم بيعملوا نفس صوص الBig tasty الشهير بس في ساندوتش حجمه أكبر بكتير والبرجر عندهم ملهمش نهاية وممكن تعمله ١٠ أو ٢٠ دور لو طلبت معاك كده ومحدش هيقولك انت بتعمل ايه 😋

#الموود

نوستاليجي غريب هتحس انك دخلت Bikers أو Racers bar في الستينات بس انت هناك بتسكر برجر 😋 المكان في بهجة فظيعة علشان ألوان العربيات والموتسكيلات والعظيم إنهم حقيقيين بجد فبينوروا بقي وبيخلوا الAtmosphere مختلف وجديد ومش هتلاقيه في أي حتة تانية 🤩

#الأكل

المنيو عندهم كلها اسامي ليها علاقة بالسباق والعربيات برضو 🤩 بدأنا بالتشيكن وكانت بداية عظيمة جدا الفراخ Tinder ومش مزيتة خالص والBreading بتاعها حلو وباين وسط كل الحاجات اللي بتبقي معاه..العيش برضو كان حلو وخفيف ومش مغطي علي طعم حاجة👌 جربنا ساندوتش Track crush ده بيكون عدد القطع اللي انت بتختاره وتشيز صوص كتير وهاني ماسترد صوص كتير برضو فملغوص وجميل 😋 خدنا كمان The high way وده بيكون تشيكن معاها تركي وOnion rings و باربيكيو صوص وصوص ايمه Thousand island وكان عظيم 😍 وليفل الوحش كان ساندوتش Back fire ده بيبقي سبايسي وممكن تطلبه عادي لو حبيت بيكون معاه هالبينو وتشيلي صوص وسراتشا صوص فكله سبايسي في سبايسي 🔥😻

نيجي بقي للبيف علشان مختلف ومميز اوي👌بببقي ارفع شوية من اللي متعودين عليه وJuicy جدا 😋 جربنا Blue Track Flame ده اختراع شوية علشان بيحطوا مع البرجر دبس رمان ومشروم مكرمل وصوص بلو تشيز..اول مرة نجرب دبس الرمان مع البرجر بس عملينه مظبوط اوي والميكس اللي حصل بينه وبين البلو تشيز مخلي الساندوتش كله واخد ليفل تاني في الحلاوة 😋 خدنا كمان Monster of the road ده بيكون جريلد بيف وبيف بيكون وOnion rings و تشيز صوص وباربيكيو صوص وتراك صوص 😍

ولزوم النقنقة خدنا Mozzarella Sparks دي موتزريلا ستيكس و Track wheals دي Onion rings و Track strips ودي تشيكن ستريبس 😋 وطبعاً تشيزي فرايز بتبقي غرقانة صوص جبنة شيدر وفرايز عادية وWindy Potato دي بطاطس معمولة بطريقة عجيبة كده بس طعمها حلو اوي 😍

#تقييمنا

المكان تجربة وفكرة جديدة فعلا وعجبنا أوي إنهم كانوا مميزين أوي في الأكل بتاعهم ومكتفوش بالتميز في الديكور بس 😊 الأسعار هناك كمان معقولة جدا جدا مقارنة بالحجم والطعم والكواليتي والتجربة نفسها أكيد 🤩

العنوان: شارع ٩ – المقطم – تحت الشبراوي

التليفون:01554037688

افتح منيو المنيو منيو ورقم مطعم تراك برجر
Advertisements

Leave a Reply