منيو » منيو ورقم مطعم فينيز بيتزريا البيتزا كيك Vinny’s Pizzeria

البيتزا كيك دي اختراع يستاهل جايزة نوبل🎖للبيتزا 😍 *بصوت ناشونال جيوجرافيك* 😂😂😂
بيتزا 🍕على شكل كيكة 🎂 او كيكة بمكونات البيتزا، حاجة كدة جميلة و كلها جبنة من كل حتة و اول ما نزلتلي انا حقيقي كنت منبهر من شكلها بس
مبدأيا هي ليها اكتر من نوع وعلى سبيل المثال اللي باللحوم
كانت عبارةعن 5 طبقات كلهم بيبروني و هوت دوج و لحمة مفرومة و جبنة موتزريلا كتيير و جبنة شيدر كتييير كل دا بقى مع البصل المكرمل، جمال بجد ميتوصفش
طبعا من جواها بتكون طرية جدا زي ما هتشفوها في الصور، بس العجينة الخارجية دي اللي بتكون مقرمشة و ليها طعم مميز جدا خصوصا مع الصوص
بينزل معاها نوعين صوص انا جربت صوص الباربكيو و كان جميل جدا مع البيتزا 👍 النوع التاني كان مارينيرا بصراحة مكنش بنفس القوة، و انصحكم تجربوا حاجة زي الرانش هتكون احلى👌
بصراحة قبل ما اكلها كنت قلقان ان عيجنة البيتزا متكونش مستوية بين ال 5 لطبقات، بس واضح ان الناس دي عارفين كويس هما بيعملوا ايه 🕵
الناس اللي بيحبوا البيتزا اوي هتعجبهم جدا و تاكل بيتزا لحد ما تشبع ،و بالنسبة للكمية المفروض انها تكفي 4 افراد او 3
بس لو انت اكيل اوي يبقى تكفي 2 بس
ممكن تاكلها بايدك او بالشوكة و السكينة 🍽 زي ما تحب
مش كل اللي عندهم بيتزا كيك بس، بيعملو البيتزا العادية بس شبه بتاعت سلاحف النينجا بظبط، و باستا و سلاطات و الحلو عندهم حاجة كدة مجرمة اسمها نوتيلا مادنيس عبارة عن عجينة البيتزا بالنوتيلا الكتير او appel pie
المعروف ان البيتزا ايطالية🇮🇹 بس المميز عندهم انهم بيعملو بطريقة نيويورك 🇺🇸 فا العجينة مش تخينة ولا رفيعة مقرمشة و طرية، الصوص فيها مميز و طعمها جميل بالموتزريلا و الشيدر و المشروم 🍄
✋ ال staff اللي هناك تحس انهم صحاب المكان و اد ايه بيقدروا الناس اللي بيحبوا البيتزا من اهتمامهم بانك تكون مبسوط الابتسامة الجميلة طول الوقت و كمان اهتمامهم بالنضافة ، الجو العام كله كان لطيف جدا مع المزيكا 🎶 و تحس انك مستريح في المكان دا عشان الناس دي بترحب بيك🙂
لو عيد ميلادك قريب 🎂 او عيد ميلاد حد بتحبه قريب ممكن تعملها مفاجأة و الشباب هيساعدوك و تحط شمعة العيد ميلاد في بيتزا كيك بدل السؤال بتاع كل عيد ميلاد كريمة ولا شكولاتة ولا فواكه 😂
البيتزا كيك باللحوم ب ٢٨٥ جنيه💸 و لازم تحجزها قبلها بساعتين بالتليفون، بتحدد كام فرد رايح عشان يتحجزلك مكان كمان
فرع المعادي فيه اماكن للاكل جوا و برا
ممكن تطلب دليفري او تيك اواي
في فيزا 💳 وفي حمام
وليهم فرع تاني في الزمالك
العنوان: 73 شارع 9 المعادي. تحت كوستا اللي في شارع 9 في المعادي قريب جدا من محطة مترو ثكنات المعادي
التليفون: 19867
Google maps location – Maadi branch
https://goo.gl/maps/juzACoVhBS92

افتح منيو المنيو منيو ورقم مطعم فينيز بيتزريا البيتزا كيك Vinny’s Pizzeria
Advertisements

Leave a Reply