منيو ورقم مطعم وايلد برجر Wild Burger Grill

منيو ورقم مطعم وايلد برجر Wild Burger Grill

تعرف على قائمة اسعار منيو مطعم وايلد برجر من دليل المطاعم واستمتع بأشهى المأكولات والسندوتشات والعروض والوجبات من قائمة المطعم –

وهناك تقرير عن المطعم من السوشيال ميديا

البرجر من اسباب السعادة، بشرط انه يكون نضيف و مضمون و يكون سعره مناسب، لاقيت كل دا في مطعم لسة فاتح جديد من شهر بس

طلبت السندوتش ال ١٢٥ اللي هو اصغر واحد
اولا ال ١٢٥ جرام دا وزن شريحة البرجر لوحدها، طعمها كان تحفة و Juicy جدا و الساندوتش كان فيه كل اكسسوارات البرجر اللي بحبها بيف بيكون، مشروم مشوي -كمية محترمة جدا- شريحة الجبنة السايحة الجميلة، و العيش نفسه متحمص من جوا، و طازة و طري جدا من جواه، كل دا مع بطاطس ويدجز كميتها كانت فعلا مناسبة جدا، و معاها صوص جبنة يجنن

كمان بينزلك مع الساندوتش طبق للسلطة و الاضافات اللي تعجبك: كول سلو، خيار مخلل، خس، بصل طماطم، فلفل هالوبينو، و اختراااااع اسمه سويت ريليش عبارة عن خيار مخلل بالعسل، متتخيلش الطعم، لازم تجربه بنفسك مع البرجر بجد لذيذ جدا و بيعمل شغل جامد جدا
طبق السلطة دا لو خلصته بتملاه تاني ببلاش بردو refill
كمان بينزلك مع الساندوتش صوص باربكيو و مايونيز و كاتشب و honeymastered هما اللي بيعملوه و فعلا طعمه مميز جدا و احلى، كل دا مع الساندوتش و مبتحاسبش عليه كا إضافات.

من الحاجات اللي عجبتني جدا و المميزة في المطعم دا، انهم بيفرموا لحمة البرجر عندهم و هما اللي بيعملوا التتبيلة بتاعته، مش برجر جاهز، مفهوش فول صويا ولا اي اضافات، برجر معمول stander
الاوزان الي في المنيو 150 جرام و 225 و 300 و 450

حتى انت ممكن تطلب اي وزن برجر انت عايزه “نص كيلو، كيلو” قبل ما تروح و يجهزهولك
و ممكن تضيف ١٠ جنيه و يبقى stuffed burger و البرجر نفسه يبقى محشي جبنة ??

و في عرض ب 175 جنيه
العرض شامل 3 ساندوتش 150 جرام و 3 سلاد و 3 كولا + الويدجز و الصوصات

المكان نفسه شيك جدا، قعداته مريحة و مكيف، و واسع و يناسب المجموعات و كمان مناسب ل romantic dinner و في اماكن indoor & outdoor

اصلا و انا بكتب البوست جعت و انا عمال افتكر في طعم البرجر ??

تجربتي في المطعم دا كانت ناجحة جدا بالرغم انه لسة فاتح جديد، بس بداية قوية جدا اتمنى يستمر بنفس المستوى و القوة

? في مطعم تاني اسمه وايلد برجر بردو قريب من نفس المكان -مجربتوش- بس خدو بالكم من اللوجو اللي في الصور و اسم المطعم، اللي بتكلم عنه في البوست هو وايلد برجر جريل

سعر الساندوتش بيبقى حسب وزنه
1/3=150 جرام = 59 جنيه
1/2=225 جرام =68 جنيه
2/3=300 جرام =79 جنيه
1=450 جرام =89 جنيه
كل الاسعار شاملة السلطة و Fries و الصوصات
و متنساش تقول جي تبع سفيان تاخد بيبسي ببلاش ?
مفيش ضريبة، بتدفع بس خدمة 12٪

الدفع كاش بس، مفيش فيزا
في ركنات كتير ?

المواعيد: كل يوم من 10 الصبح ل 3 الفجر
فرع مســـاكــن شيــراتــون : 2 عمارات الاسكان والتعمير شارع انقرة مساكن شيراتون
تليفون :- 02/22685862 // 02/22685863 //
01120110994
فـــرع مديــنـة نصــر :- 49 حسنين هيكل متفرع من عباس العقاد
تليفون :- 01100936047 // 01100936046

GPS location:
https://goo.gl/maps/ujzgtYPY4Ny

 

وسم : / / / / / / / / / / /

Leave a Reply

Your email address will not be published. Required fields are marked *