منيو ورقم مطعم ١٠ بلدي

منيو ورقم مطعم ١٠ بلدي

رز باللبن بالكنافة وميلك شيك دووم وسموزي كركديه ومخ بصوص النعناع وبعد كل ده أغلي حاجة في المنيو ب٣٠ جنيه بس ? المكان 10 Balady – ١٠ بلدي المكان ده قرر يتخصص في ١٠ أصناف بس ويفتكس فيهم علي روقان وعلشان كده سمي نفسه ١٠ بلدي لأن كل حاجة هناك بتتعمل بالبلدي فعلا سواء في الطريقة أو في العيش البلدي.. انت هناك يوم ما هتشبرق نفسك مش هتعدي ال٥٠ جنيه لأن أغلي طاجن في المنيو ب٣٠ جنيه وده كفيل يسد معاك أو لو طلبت معاك ساندوتشات هتلاقيها من ١٥ ل٢٥ جنيه يعني ممكن تضرب ٢ أو ٣ أو تاخد معاهم حاجة لزوم النقنقة زي الفرايز بالجبنة أو بالكبدة أو بالسجق ? ومش معني انك تلاقي أكله حرشة وسعرها كويس انها تطلع أي كلام ومتتكيفش منها..وتقريبا مفيش كيف اكتر من إنهم يعملولك المخ بتاعنا العظيم ده اللي بيدوب مع صوص نعناع وجرجير يشهيصوه، ومن أعظم افتكاساتهم برضو السجق بالليمون اللي واخد ليفل تاني في الحلاوة، وبيعملوا كمان ساندوتشات كباب حلة وبيسووا اللحمة نفسها مع ميكس جبن فتقريبا الناس دي بتدخللنا من ثغراتنا ? أي حاجة هناك بتتعمل بالعيش البلدي بس عاملين ساندوتشات فراخ في عيش فينو علشان لو ملكش في الحرش اوي.. وان جينا للطواجن فأكيد عمرك ما سمعت عن لسان عصفور وسجق وبتنجان متجمعين في نفس ذات الطاجن وده بقي حوار تاني لازم تجربه ? وبيعملوا نوع واحد بس حلو اللي هو رز باللبن ملفوف بالكنافة مقلي في زيت وسخنة جدا وعليه ايس كريم وده تجربه وانت في أشد حاجتك للسكر هيكيفك جدا ? وطبعا حتي العصاير بتاعتنا مسابوهاش علي حالها فعملوا الدوم ميلك شيك والكركديه سموزي والسوبيا عملوها بالمانجا والفراولة ?

العنوان: ٧٤ شارع حسن المأمون – بعد النادي الأهلي – مدينة نصر

التليفون: 01212050501

وسم :