المكان: Burger Housee مبدئياً لما عرفنا إن البرجر بيسوُّه على الفحم بقينا متشوقين أكتر و عمالين نتخيل طعمه فى الطريق و خصوصاً لما شوفنا صورة ساندوتش برجر نص كيلو ? وصلنا مكان فى مدينة الشروق اسمه شارع مصر مكان نضيف جداً و رايق و كله Food Trucks على ممشى واحد و كله ألوانات و حاجة تفتح النفس ? المكان عامل قعدات ظريفة على النجيلة و حواليك زرع و الهوا يرد الروح و كنا قاعدين و شايفين البرجر بتاعنا و هو بيتشوى و إحنا ريقنا بيجرى ?♥️ أسعارهم حلوة جداً جداً سعر ساندوتش البرجر ٧٠جرام ب ١٥ج و غالباً ده للأطفال و البرجر الكلاسيك ١٥٠جرام ب ٣٥ج و بيعملو ساندوتشات برجر محشية جبن و مشروم ١٧٠جرام و ب ٤٠ج بس و تشبع جداً عشان حاجتهم مخدومة و تحسها معمولة بدلع كده ? لحمتهم Home Made و نضيفة جداً و چوسى و طعم الفحم باين فيها شوية و دى أحلى حاجة ? من الحاجات كمان اللى عجبتنا إن الOrder ما اتأخرش و كل الأكل نزل مع بعضه و كان سخن موحوح و البطاطس كانت لسه طالعة من الزيت و عليها رشة ملح خفيفة كده ? البيبسى سعرها ٥ جنيه و دى حاجة خليتنا نطلب براحتنا عشان نبلع الكلام الكبير ده طبعاً وصفنالكو اللى كلناه فى الصور
العنوان: شارع مصر – بالقرب من الجامعة الفرنسية – مدينة الشروق
التليفون: ٠١١٤٢٢٣٢٩٣٠ // ٠١٠٩٩٤٧٠٠٧٦