المكان دة هيعيشك تجربة أكل ايطالي 100%
بيتزا وباستا معمولة بالطريقة الايطالي الأصلي
Velocè
فيلوتشي فتح في زهراء المعادي من قريب واللي جربوه وابتدوا يتكلموا عنه كتير انه بيقدم بيتزا ايطالي أصلي يعني مكونات بالكامل ايطالي ومعمولة بالطريقة زي المطبخ الايطالي بالظبط
واللي بيجرب البيتزا الايطالي الأصلية دي هيعرف انها غير كل انواع البيتزا الأمريكي اللي بتتقدم في معظم البراندات
الطعم بيبقي وهمي جدا وجديد عليك كمان.. وبتحس فعلا بفرق المكونات الايطالي في البيتزا
يعني دقيق ايطالي مستورد من برة مخصوص.. وجبنة بارميزان والصلصة الايطالي التحفة اللي هتشم ريحتها هي والعجينة من قبل ما تجيلك اصلا
والعجينة نفسها عظيمة وطعمها لوحده لذيذ جدا
اللي ماجربش البيتزا الايطالي “الأصلي” دي 👌 بصراحة فايته كتير جدا في عالم البيتزا حرفيا
الطبق التاني واللي اساسي ف المطبخ الايطالي بجانب البيتزا هو طبعا الباستا
ودي مش بس غرقانة في الجبنة البارميزان لا دي اصلا بتطبخ مع الجبنة البارميزان نفسها كدة مع بعض 🧀 عشان تاخد في النهاية taste عالي اوي وغني جدا
فيه منها بالسي فود ودي طعمها لذيذ جدا لو ليك في السي فود اطلب الباستا دي عندهم وانت مطمن هتتكيف من الطعم
والتشيكن بالمشروم تحفة وطعم الفراخ مع المشروم ف الباستا الغرقانة جبنة حوار لوحده كدة
وعندهم كسرولات كدة جميلة جدا بتبقي طاجن باستا غرقان ف الوايت صوص مع التشيكن والمشروم او الهوت دوج او السي فود طاجن مع الميكس جبن والزتون وفلفل الوان حاجه محترمة كدة وغنية بالمكونات هتتكيف وانت بتاكلها حقيقي
فيه اصناف تانية جانبية ف المنيو عندهم
زي التشيكن وينجز مع صوصات مختلفة لو حابب تقزقز يعني ف حاجه لذيذة
وفيه البطاطس الويدجز السبايسي معمولة برضه بتتبيلة حلوة اوي ممكن تجربوها
التجربة في المكان عموما تستاهل جدا للي بيقدموه

عنوان مطعم فيلوتشي
السنتر التجاري – الشطر الثالث – نيركو – دجلة.. المعادي

رقم تليفون دليفري مطعم فيلوتشي
15797

صور و منيو مطعم فيلوتشي