Helnan Landmark New Cairo
سحور اوبن بوفيه في فندق مع تخت شرقي vibes تجنن
دا من أرقى و أفخم الاماكن اللي ممكن تتسحر فيها، في فندق Helnan landmark التجمع الخامس
حضرتك بتبقى قاعد قصاد حمام السباحة و التخت الشرقي و الناحية التانية قصادك الشلال و حمام السباحة بالليل بالاضاءة الخفيفة بيبقى منظره مريح و تحب تقعد قصاده طول السهرة 😍
البوفيه بيفتح من الساعة ١٢ للساعة ٣ بالليل، و يستحسن تروح بدري عشان متفوتش لحظة و تستمتع باليوم كله
بيقدموا في السحور كبدة و كبيبة و سمبوسة و عاملين عربية فول بس شيك “حاجة فندقية” الطعمية بتتقلي أول بأول و تاكلها سخنة على طول، كمان الاومليت بيتعمل بالطلب زي ما تحبه
في كمان بوفيه سلطات و سيرڤيس تشكيلة جبن تركي و لانشون
و قسم خاص بالحلويات الشرقية و سلطة الفواكه
سعر الفرد في البوفيه ٢٥٠ جنيه شامل الخدمة و الضريبة
الاطفال تحت ٨ سنين مجانا
و من ٨ سنين ل ١٢ سنة بيتحسب نص فرد
اتصل احجز قبل ما تروح 📞
رقمهم:
01206011155
العنوان:
فندق هلنان لاند مارك التجمع