بـ ٨٠٠ جنيه بس هينزللك الـ٣ صواني دول بسلطاتهم وشوربتهم والرايب! المكان حضرموت شيخ المندي الوليمة العظيمة دي محتاجة ٦ وحوش يقوموا بيها علشان بتتكون من ٧ كيلو تقريبا غير الرز الشوربة والسلطات ومش هتكلفكوا غير ٨٠٠ جنيه من غير خدمة ولا ضريبة بتتكون من صينية لحوم ٥ كيلو تقريبا وصينية محاشي ٢ كيلو وصينية رز عملاقة علشان تدبوا براحتكوا و١٢ نوع سلطة و٦ شوربة و ٦ لبن رايب فيابلاش والله نيجي للتقيل علي طول بقي..صينية اللحوم مش ناقصها حاجة وفيها كل الأكل الملبس اللي ممكن تتخيله وعد معانا بقي كيلو لحم مندي – نص كيلو طرب – نص كيلو كفتة – نصين فراخ مندي – نصين فراخ مشوي – نص كيلو شيش طاووق والصينية التانية كانت عبارة عن كيلو ممبار وكيلو ورق عنب ف٢ كيلو محاشي ليكوا انتوا بس، والتالتة بتبقي عبارة عن معركة من الرز وبتختاروا النوع اللي يعجبكوا سواء برياني أو كبسة أو حبة وحبة يعني الاتنين في نفس ذات الصينية علشان تنجزوا نفسكوا وتدبوها وانتوا ضامنين ان مش فايتكم حاجة من الوليمة دي وبعد ما ينزللك كل ده هتلاقي نفسك لسة محتاس قدام السلطات والشوربة ولو انتوا أكيلة بجد روحوا اتحدوا بعض وخلصوها علشان أي حد مستواه في الأكل مش قد كدة مش هيقدر يصمد كتير فخد معاك ٦، ١٠ أو العدد اللي انت شايفه وطبعا بما ان الوليمة دي عند شيخ المندي فوانت مغمض كدة لازم تبقي عارف انك هتاكل أحلي مندي لحمته طرية وملبسة اوي وبيدوب فمش هياخد في ايديك غلوة من حلاوته والطرب عندهم عظيم الدهن مخدوم ومكبوس فوق اللحمة نفسها وملفوفة بيه فهتحس بيه فكل قطمة اما الكفتة كانت أخر عظمة..والفراخ بقي عندهم ليلة تانية طرية اوي وبتدوب خصوصا المندي معمولة بطريقة تخليك تنفض لكل الصينية وتركز معاها لوحدها ولا الشيش بتتبيلته الحلو بقي ان مع كل ده بينزلولكوا ٦ لبن رايب علشان تهضموا ويبقي فيكوا نفس تكملوا
العنوان: ٧٣ شارع عبد المنعم رياض – اامهندسين – بجوار بنك فيصل الاسلامي
التليفون: 19527