حواوشي الرفاعي من أشهر و أقوى المطاعم اللي بتعمل حواوشي في مصر كفاية بس تبقى في قعدة و تقول ما تيجوا نروح الرفاعي!! هتلاقي الكل قام و جري على هناك و مبتفرقش بقى جعان من شبعان كله هياكل .. دا الرفاعي ? اشهر حاجة هناك الحواوشي وش بيتزا .. او الحواوشي بالجبنة و فعلا حواوشي خطير ? بيعملوه بالفلفل الرومي و الزيتون و الطماطم .. خلطة اللحمة و فرمتها حاجة معمولة بمعلمة و مزاج عالي اوي رغيف العيش كبير و لونه ذهبي يفرح و كفاية صوت قرمشة الرغيف دي اللي تشرح القلب عحبني جدا انهم بيسخدموا جبنة شيدر مش موتزريلا، لان الشيدر طعمها احلى و كمان بيستخدموا شيدر شرايح مش صوص شيدر، لان الشيدر الشرايح طعمها بيكون اقوى الناس الاكيلة بقى هيستمتعوا جدا لو ركزوا في طعم اللحمة نفسها، فرمة اللحمة، خلطتها، تسويتها حتى ريحة رغيف الحواوشي مميزة، فعلا الناس دي عارفين كويس هما بيعملوا ايه كويس ? و يبقى حظك حلو لو لحقت حواوشي السجق عشان دا بيخلص اول بأول، نصيحتي ليك لو جعان هما 2 هيعملوا معاك أحلى واجب و تشبع Full tank لو مش جعان اوي كفاية عليك رغيف واحد شغالين كل ايام الاسبوع من 12 الظهر لحد 2 بالليل ماعدا يوم الاحد اجازة في مكان للاكل indoor & outdoor و parking للعربيات جنب المطعم على طول

عـابـديـن : 87 شارع الشيخ ريحان عابدين امام القصر
الـشـيـخ زايـد : مول المعز – بجانب الجامعة الكندية
الـتـجـمـع : المنطقة الثانية جاردينيا مول التجمع الخامس
الـمــعـادي : زهراء المعادى – شارع الخمسين – بجوار ابوليلة
مدينة نصر : 17 عمارات الشركة السعودية المصرية – خلف مول سيتي ستار