Candy Rush الاختراع دة طبقتين كوكيز بينهم براونيز وقطع موز وفراولة والصوصات كأنك بتاكل برجر بالظبط بس متعة فى حتة تانية الاسعار بتبدأ من 10 جنيه و اغلى حاجة في المنيو ب 45 وكمان لو رحت انت واصحابك وطلتوا ٣ حاجات بتاخدوا الرابعة مجانا ( يعنى واحد فيكم هياكل ببلاش ??) دايما لما بدخل محل من المحلات بتاعت الشيكولاتة بيبقى عندي مشكلة إني مش عارف أخد ايه و اسيب ايه ? بس المرة دي الاختيار كان سهل عشان لاقيت حاجة جديدة عبارة عن طبقتين كوكيز (بدل الكايزر) بينهم شريحة براونيز (بدل البرجر) و عليها قطع موز و فراولة (بدل شرايح الطماطم) و عليهم وايت شوكليت (بدل المايونيز) و صوص فراولة (بدل الكاتشب) من الاخر اختراع يا كوتش ? و الاهم بقى إن الكلام دا كله مع بعضه طلع حلو اوي مش بس الفكرة حلوة و خلاص، بس صعب واحد يخلصه لوحده غالبا هيحتاج يستعين بصديق ? هناك في حاجة جميلة اوي بقى، الطواجن مثلا انت بتختار الشيكولاتة اللي فيه تكون نوتيلا او الشيكولاتة بتاعتهم، و تركيبة الشيكولاتة اللي عاملينها طعمها غني و حلو اوي خصوصاً إن فيها مكون سري “انا عرفته” هو اللي مخلي طعمها مميز اوي جربت كمان الوافل .. لاقيت طبق فيه قطعتين وافل و صوص شيكولاته و قصة قولت دي اكيد هتعدي، قولت للراجل لو سمحت انا عايز من اللي ب 20 ? قالي ايوة هي دي ? بجد اسعارهم حنينة و حاجتهم حنينة و المحل كله يدخل القلب على طول انت متخيل انت ممكن تعمل ايه ب 100 جنيه ? انت تجيب عشاء للبيت كله شيكولاتة و وافل و بالمناسبة عندهم حاجة اسمها chocolate tower عبارة عن 3 طبقات كيكة براونز و كل واحدة فيها مربع فاضي في النص .. يسيبوا المربع فاضي؟ لا طبعا ? دا مليان صوص شيكولاتة بيضاء و شيكولاتة عادية، مع اول شوكة هتلاقي الشيكولاتة بتدلدق زي الشلال و بتجري في الطبق ? و بالظبط 35 جنيه (هتغرق شيكولاتة) الشباب هناك ذوق جدا في التعامل مع الناس، و بيعملوا الحاحة وصاية من نفسهم، و غالبا هما كيفية شيكولاتة عسان كدة تحس إن كل حاحة طالعة بمزاااج الاسعار كلها مفيش اي زيادة عليها ولا لخدمة ولا ضريبة، الحاجة الوحيدة اللي هتزيد وزنك ?? وعندهم دليفرى

العنوان: 118 شارع مصر و السودان، حدايق القبة، أمام بنك اسكندرية و مول المحلة

رقمهم01120022600