بما ان 90% من غذائي بقسماط وماشبه من المقرمشات فالمكان ده اقرب للحلم بالنسبالي
Flavor Bakery
الرصّة دي تخلى القلب يرقص والله بألوانه و انواعه ?
زعلانة جدا انى ما اكتشفتوش من زمان مع انه جنب شغلنا فى #التجمع
كل حاجة فريش وريحة المكان تبسط اى حد مدمن مخبوزات زي حالاتي خصوصا ان مستواها طلع حلو ومتميز
انا اول حاجة جربتها الكوكيز… جبت طبق ربع مشكل فانيليا بالتشوكليت و شوكليت شيبس و التالت الملون ده كانوا كلهم حلوين و الشوكالاتة طعمها باين وده قليل اما بيحصل فى الاماكن الشبيهة ليهم
كتجربة مبدأية جبنا كمان بيتزا هوت دوج اما شوفناها طالعة عالصاجة… بيتي جدااااا وهشة وطازة وجميلة خلصانا اصلا قبل اما نروّح… اكيد هجرب الرولز اللي فيها سوسيس و بسطرمة وجبنة بيضة … ودوقت كمان حاجة كدة قالى اسمها جبنة قشطة…شبه الكحك هش جدا وجواها جبنة تحفة وتقريبا فى العجينة نفسها كمان
اللي كان وهمي العيش الفينو البني بالحبوب … بجد احلى من احسن بيكري جربته… زعلانة انى ماجبتش ستوك منه
وطبعا البقسماط والحمدلله طلع هش وطعمه زي ما بحبه بالظبط <3
ولمحبى الحلويات فى بسكوتات و بيتي فور و دوناتس اشكال و الوان
احييهم على مستوي الخامات و النضافة وطريقة العرض الحلوة و كل حاجة… وعلى الاسعار دي فى التجمع بجد عشرة على عشرة وواضح ان كل حاجة طازة جدا
الناس هناك قمة فى الذوق و سابونا تقريبا ندوق كل حاجة سألنا عنها قبل اما نشتريها و هما كمان دوقونا حاجات مختلفة هبقى اجربها المرة الجاية

جميع الفروع تعمل 24 ساعة وخدمة التوصيل متاحه من 11 صباحاً حتى 11 مساءاً
? فرع رقم (1):
شارع 45 الحي الثالث سنتر دهب الجديد بجانب مسجد المعصراوي.
? فرع رقم (2):
المركز التجارى شارع 15 أمام المدرسة البريطانيه خلف المحكمة.
خدمة توصيل: 01118296182 – 01019629346
? فرع رقم (3):
شارع عبدالله بن سالمة من منطقة المستثمرين الشمالية أمام كمبوندالشركة السعودية – بوابة (6) الرحاب.
خدمة توصيل: 01090893448 – 01090384417