أنا مش من مؤيدين الفطار بره عامة بس حقيقي الفطار بتاع Ayadina Lebanese Restaurant يستاهل!
الفطار عبارة عن أوبن بوفيه سلطات وشوربة ومقبلات وأطباق رئيسية وحلو.
الشوربة كانت شوربة فراخ بالكريمة حلوة أوي. والسلطات كان فيه طبعا فتوش وتبولة وحمص وحمص بالبنجر وطحينة ومكدوس ومحمرة . السلطات كلها كانت حلوة جدا وفي نص البوفيه كمان بيغيروا الأصناف.
المقبلات بقي ورق عنب خطييير ، بطاطا حارة حلوة جدا جدا، مناقيش وسمبوسك لذاذ بس في العادي بيبقوا أحلي من كدة.
ندخل في التقيل بقي كان فيه شيش طاووق بدبس الرمان، وشيش طاووق وكباب وكفتة بالطحينة وفتة شاورما لحمة وفريك باللحمة وسمك مقلي ورز ومولوخية بالفراخ، ونجرسكو
أحلي حاجة بالنسبالي كانت المشويات طرية ومتبلة حلو جدا، الكفتة بالطحينة حقيقي كانت هايلة وأنا عن نفسي مبحبش الطحينة بس هما كانوا مخلين طعمها حلو فعلا. الفتة كانت حلوة أوي برضو. الشيش اللي بدبس الرمان طعمه كصوص حلو جدا بس الفراخ نشفت منهم شوية في الشوي والتسوية.
الحلو بقي كان فيه حلاوة جبن وكنافة نابلسية وتشكيلة حلويات شرقية وفاكهة وفروت سالاد.
وفيه عصاير كركدية وتمر هندي. الخدمة كمان هناك كانت كويسة أوي والmanager جه سألنا علي رأينا في الأكل.
في القاهرة
-مول بوينت 90 الدور الاول –التجمع الخامس
-سيتي ستارز المرحله الاولي الدور الرابع –مدينه نصر
-3 شارع كليوباترا في الكوربه – مصر الجديده
-ذا بارك – في مول العرب – 6 أكتوبر
في الإسكندرية :
-في تيفولي دوم بوليفارد أمام عمارات مصطفي كامل و فندق تيوليب، الإسكندرية.
01015211222
أنا مش من مؤيدين الفطار بره عامة بس حقيقي الفطار بتاع Ayadina Lebanese Restaurant يستاهل!
الفطار عبارة عن أوبن بوفيه سلطات وشوربة ومقبلات وأطباق رئيسية وحلو.
الشوربة كانت شوربة فراخ بالكريمة حلوة أوي. والسلطات كان فيه طبعا فتوش وتبولة وحمص وحمص بالبنجر وطحينة ومكدوس ومحمرة . السلطات كلها كانت حلوة جدا وفي نص البوفيه كمان بيغيروا الأصناف.
المقبلات بقي ورق عنب خطييير ، بطاطا حارة حلوة جدا جدا، مناقيش وسمبوسك لذاذ بس في العادي بيبقوا أحلي من كدة.
ندخل في التقيل بقي كان فيه شيش طاووق بدبس الرمان، وشيش طاووق وكباب وكفتة بالطحينة وفتة شاورما لحمة وفريك باللحمة وسمك مقلي ورز ومولوخية بالفراخ، ونجرسكو
أحلي حاجة بالنسبالي كانت المشويات طرية ومتبلة حلو جدا، الكفتة بالطحينة حقيقي كانت هايلة وأنا عن نفسي مبحبش الطحينة بس هما كانوا مخلين طعمها حلو فعلا. الفتة كانت حلوة أوي برضو. الشيش اللي بدبس الرمان طعمه كصوص حلو جدا بس الفراخ نشفت منهم شوية في الشوي والتسوية.
الحلو بقي كان فيه حلاوة جبن وكنافة نابلسية وتشكيلة حلويات شرقية وفاكهة وفروت سالاد.
وفيه عصاير كركدية وتمر هندي. الخدمة كمان هناك كانت كويسة أوي والmanager جه سألنا علي رأينا في الأكل.
في القاهرة
-مول بوينت 90 الدور الاول –التجمع الخامس
-سيتي ستارز المرحله الاولي الدور الرابع –مدينه نصر
-3 شارع كليوباترا في الكوربه – مصر الجديده
-ذا بارك – في مول العرب – 6 أكتوبر
في الإسكندرية :
-في تيفولي دوم بوليفارد أمام عمارات مصطفي كامل و فندق تيوليب، الإسكندرية.
01015211222
