المكان دا شعاره اكل بيتى باسعار زمان .. Aslahan
خطوطين من شارع التسعين الرئيسى فى Oscar Plaza Mall …. متخصصين فالاكل الشرقى و مطبخهم مميز جدااا … كمان عندهم عرض صينية فطار اصلهان الشرقى المميز اوى طول ايام الاسبوع من ٩صباحا لحد ١ظهرا ..
عندهم عرض عيد الام …. كل كيلو مشويات عليه ١/٢ كيلو كفتة Free من 15 مارس لحد 22 مارس ? و عندهم كمان دليفرى
المكان مووده روقاااان اووووى و جوه سلاطينى …. عندهم قعدتين Indoor & Outdoor الديكور بتاعه فى منتهى الشياكة و الرومانسية ?
المنيو بتاعهم مليان انبهارات و اخدنا منه فالاول شوية مقبلات و كانت طبق مشكل من سمبوسك لحمة و جبنة و كبيبة لحمة و ممبار و اخدنا معاه طبق سجق شرقى و الصراحة كان احلى فواتح شهية …. بعد كدا دخلنا على التقيييل و جربنا ميكس مشاوى و كان نازل على الشواية بشكل وهمى و خلت المشويات سخنة لفترة كبيرة و كانت من اجمل و اطعم المشويات اللى جربناها?
جربنا كمان حمام محشى ودا لوحدة حكاية عندهم لازم تجربوه ….. و اخدنا معاه موزة ضانى مع ارز مندى و كانت مستوية بطريقة ممتاز و عليها صوص هايل ? و جربنا كمان من الطواجن ورقة لحمة و ورق عنب بالكوارع و ارز معمر بالحمام و طاجن ملوخية و بامية باللحمة و دا ركن مميز اوى عندهم هتدوبوا من طعامته ?
بعد كدا جربنا من الحلو ام على و كان شكلها و طعمها خرافى ?
التجربة فعلا كانت حاجة روعة و مكان يستحق الاشادة و لازم تجربوه ??

العنوان : ٤٢٥ شارع ٩٠ التجمع الخامس ، القاهرة الجديدة

التليفون :01094247775