تبقي رايح تطلب كيلو جمبري تاخد عليه نص كيلو ببلاش ??
أبو العربي للمأكولات البحريه
ابو العربي محل سمك أصحابه بورسعيديه بجد و ناس بتحب الاكل فبيعملوا بفكره مختلفه ? و كمان عاملين عروض حلوه اوي الفتره دي
• الكيلو جمبري عليه نص كيلو هديه ?
• العدوان الثلاثي عليها واحده هديه يعني بقت بنص التمن ? (هنكتب هي ايه تحت)
• ديليسبس ( مكرونه بالجمبري و السبيط ) واحده عليها واحده بردو سواء صوص ابيض او احمر

المكان كبير و ديكوره كله حاجات من اعماق البحار ? و هتلاقي سمكه قرش و بجعه عند الباب و جمبهم تمثال الشهيد ? و القاعده ال outdoor متقفله عشان البرد اللي احنا فيه ده و بيعملوا حفلات سمسميه بورسعيدي كل فتره
من الاختراعات اللي عجبتنا العدوان الثلاثي دي بتبقي بطارخ و سبيط و جمبري في وايت صوص و من فوق وش موتزريلا و فلفل الوان و زيتون ?
و عندهم طبق اسمه بسبوسه بطارخ ده منقدرش نوصفه بس لو بتحب البطارخ ده كله بطارخ و من غوق بطارخ بردو
ده غير صينيه السمك بالبطاطس و المكرونه و عايمه فوايت صوص و موتزريلا و الصوص واخد طعم السي فود و حجمها رهيب ?
وعندهم مبكبكه بس سي فود ? بتبقي جره فخار جواها كذه نوع سي فود و يستوي علي الهادي و بيجي يفتحها قدامك ?
عندهم كل انواع السمك بكل انواع التسويه بتاعته خدوا لفه في الصور

العنوان : سيلفر ستار مول شارع البنوك متفرع من شارع التسعين التجمع الخامس خلف كبابجي المنوفي

التليفون : 01210948888 – 0228105528