AKLA W LAMA نوصل بقى للفطار اللى مش هيكلفك أكتر من ٧٠ جنية تحب تفطر على ايه؟ اللي على اليمين ولا اللي على الشمال؟ اللي على اليمين 4 سندوتشات شاورما 2 شاورما لحمة و 2 شاورما فراخ و 2 كوبيبة و 2 سمبوسة مع يالنچي (ورق عنب بالطريقة السورية) + 3 باكيت بطاطس محمرة و تومية و دبس رمان و محمرة “هريسة شطة” و طبق مخلل .. الحفلة دي معاها لتر حاجة ساقعة ب 199 جنيه هما عاملينها تكفي ٤ افراد بس بما إن دا فطار، احنا كنا 3 اكيلة قومنا بيها بس بصراحة خلصناها بالعافية اللي على الشمال 4 ساندوتشات ساندوتش كوردن بلو + ساندوتش فاهيتا +ساندوتش شيش طاووق + ساندوتش فراخ كرسبي مع طبق يالنچي مع الصوصات و 3 باكيت بطاطس، المخلل و لتر ساقع مشبر الحفلة دي ب 209 جنيه “تكفي 4 افراد” ولاول مرة حد يعمل حواوشي شاورما، العيش السوري بتاع الشاورما بيتعمل زي الحواوشي بالظبط، و لما بيتقدم بيبقى اقرب لفكرة الكساديا المكسيكي، حتى الشاورما بتبقى سبايسي شوية من احلى الحاجات الجميلة أوي عندهم منقوشة اللحم بالعجين، العجينة نفسها طعمها حلو، رفيعة اوي خفيفة، اللحمة بيبقى فيها أعشاب طعمها مع اللحمة الفرومة عاملة زي حاجة لبناني اسمها “عرايس” طعمها بيعقد و كتير مهضوم عاملين كمان صنية كنافة بالجبنة “جبنة عكاوي” كويسة بس بصراحة اللي عجبتنا اكتر منقوشة القشطة بالعسل “اطلبها على عيش لبناني بدل المنقوشة” هتبقى أخف وحاجة فخيمة تختم بيها فطارك و القشطة تطري على قلبك
في دليڤيري داخل و خارج المقطم، أرقامهم ?
01009977117 – 01009977117
العنوان: المقطم، شارع 9 بجوار سوبر ماركت الراية