منبع جديد للأكل الحرش والطاسات والجبن اللي بتمط في اكتوبر ?
المكان Al Harraq
مكناش متخيلين اننا نلاقي مكان بالروقان ده بيعمل كبدة وسجق زي اجدعها عربية كبدة في الحسين وبما ان طاسات الجبن السايحة والكبدة والسجق اقتحمت حياتنا وكروشنا الفترة اللي فاتت رحلتنا لاستكشاف كل ما هو جديد فيهم مستمرة والمرة دي قررنا نجربهم مع قعدة رايقة وشيك في اكتوبر
مشهورين بالاصطباحة بتاعتهم واللي بيبقي فيها كل ما لذ وطاب من سندوتشات الفول والبيض والطعمية والبطاطس والجبنة والبتنجان فتخيل قاعد بتاكل الحاجات العظيمة دي في قعدة حلوه وسط الزرع والشجر في الهواء الطلق ده ?
وان جينا للأجمد وللي دايما بندور عليه الا وهو الكبدة والسجق والحواوشي فسيبك من شكل المكان اللي هيحسسك انك لازم تاكلهم بالشوكة والسكينة علشان هناك بيعملوهم زي عربيات الكبده فعلا والحواوشي احسن من اي جزار لان كفاية انك ضامن quality ونضافة الاكل والاسعار كمان معقولك ومتناسبة مع المكان واكتر حاجة كيفنتنا انهم ادوا للعيش البلدي حقه ومدخلينه في حاجات كتير عندهم ?

العنوان: بيفرلي هيلز – ويست اسكوير مول – الشيخ زايد
Beverly Hills – west square mall, El sheikh Zayed

التليفون:01551355559