Cococieleg
اكتشاف متحف في الشيخ زايد
دا مطعم و كافيه فى مول سيتي ووك .. من اشهر مولات مدينة الشيخ زايد والمنيو مش غالية خالص ( المنيو مع الصور )
ديكورات المطعم عاملة كإنك دخلت متحف او قصر اوروبي، و فيه رسمة كبيرة “تحفة” كل اللي بيدخل المطعم لازم يتصور معاها من كتر جمالها و الدقة اللي مرسومة بيها طريقة تقديم الاكل فيها فن و شيك، حتى الاطباق الرئيسية المعروفة زي الكوردن بلو و البيف فيليه بيقدموها بطريقة مميزة كإن الطبق مرسوم
هتلاقي تنوع ممتاز سواء في اطباق الفطار او الغداء، و الاسعار مناسبة جداً للجودة و الكمية، يعني مثلا الباستا الفريدو بالفراخ ب 80 و النجرسكو ب85 جنيه شوربة البصل كمان بيقدموها في بولة عيش مخبوز و طعمها غني جداً .. جربوها هتعجبكم اوي
استغل إن الجو حلو اليومين دول و روح جرب الفطار، المتيو فيها اطباق حلوة اوي ممكن كل يوم تجرب منهم طبق جديد و تغير جو بيقدموا تورتة FREE
لو هتعمل عيد ميلادك او عيد ميلاد حد بنحبه هناك (( دا عرض لاخر شهر 6 ))
و صحيح .. بيعملوا شيكولاتة Fresh بس دي هنحكيلكم قصتها في بوست كامل بالتفاصيل عشان الموضوع كبير اوي

عنوان مطعم كوكوسيل
مول سيتي ووك، الشيخ زايد، مدخل زايد 5

رقم تليفون دليفري مطعم كوكوسيل
01007018174

صور و منيو مطعم كوكوسيل