ملك اللحمة فى طنطا بيقدم أكله فى حلل و بيعملوا كسكسى باللحمة و الكبدة الإسكندرانى و قالبين الدنيا المكان: العنتبلى لما تبقى جزار و بتعرف تطبخ و كمان دماغك عالية يبقى فى إختراعات عظيمة هنشوفها الناس دى بتحب الأكل قوى و بيقدموه بكميات مهولة .. يعنى حضرتك بتدخل تطلب حلة مكرونة بالكبدة أو السجق مثلاً و ممكن تطلب حلة رز بالكبد و الكلاوى ? المكان ديكوره حوار بجد و اللى منفذه معلم الحيطان محطوط عليها بوسترات أفلام قديمة و مكتوب عليها أمثلة و حكم زمان و الكراسى عبارة عن براويطة و دى حاجة لو عرفتوها تبقوا عُمَد ? المنيو بتاعهم كبير و مليان حبشتكنات عظيمة زى الكبدة و المخ البانيه و بيعملوا حواوشى لحمة و حواوشى سجق و من فوق عليه Toppings البيتزا و اسمه ( حواوشى وش بيتزا ) و عندهم بقى شوية ساندوتشات كفتة و كلاوى و كبدة و شيش جاحدة ? بصو مش هنوصف أكتر من كدا و هنسيبكو تعيشوا مع الصور

العنوان: تقاطع شارع حسن رضوان مع شارع الحلو – طنطا
عنوان الفرع التانى فى طنطا: شارع سعيد تقاطع شارع المتوكل
عنوان فرع الساحل: ستيلا ووك الساحل الشمالي

التليفون: ٠١٢١٢٠٠٠٩١٥