Frank’s لاول مرة مطعم امريكي في شبرا ‏ Chicago pizza تكفى ٢ مستريح ب 135 جنية ومفيش ولاخدمة ولا ضريبة اول ما تدخل هتلاقي اغاني Frank Sinatra زي Sway و My way و اشهر اغانيه، و فعلا شبرا فيها كل حاجة جميلة بس كان ينقصها حاجة بالشكل دا ديكورات المطعم كمان هتحسسك انك فعلا في مطعم في امريكا، و المنيو كمان فيها اصناف من ولايات مختلفة طلبنا أشهر حاجة. Chicago pizza بص دي غير اي بيتزا تانية، دي بيبقى جواها بحر جبنة سايحة، و بمجرد ما ترفع شريحة منها بتلاقي الجبنة نازلة من كل حتة فيها، و ممكن تختارها بالطعم اللي يعجبك احنا عجبنا اوي طعمها بال Meat balls و الجبنة نفسها طعمها حلو اوي و كفاية بس شكلها هيخلي قلبك يرفرف من الفرحة بكمية الجبنة و الاهم ان طعمها حلو بس دي طبعا مستحيل واحد يخلصها لوحده او حتى اتنين، عشان كدة كل واحد خد منها شريحة واحدة يجربها جنب حاجة تانية طالبها جربت جنبها سموكي برجر بال Caramelized Onion و البرجر Home made وشريحة البرجر نفسها طرية وJuicy و طعمها لحمة صافية مع تتبيلة البرجر و البصل المكرمل و المشروم و صوص الباربكيو، ساندوتش برجر محترم جدا و طبعا اهم حاجة ان العيش الكايزر نفسه كان طازة اوي من تكساس بقى خدنا ساندوتش اسمها Texas Chicken عبارة عن شريحة صدر فراخ مقلية و عليها جبنة سايحة “بس بعقل” و شريحة تركي مدخن و و شريحة بيف بيكون مع الخس و الطماطم و المايونيز، الاطعمة المدخنة اللي في الساندوتش بتدي عمق جميل للطعم في كل قطمة جربت كمان عندهم البيبروني بيتزا بس العادية مش Chicago و كانت مثالية من حيث العجينة الخفيفة و طعم الجبنة مع صوص البيتزا و كلها على بعضها بيتزاية ممتازة و كل المكونات في الاكل بشكل عام جودتها ممتازة بيعملوا كمان بيتزا برجر مخبوز ومحشي جبنة و البرجر Home made و على وشها قطع السلامي و الجبنة الموتزريلا و صوص البيتزا، فكرته حلوة اوي و طلبنا جنب الساندوتشات Friends’ Combo فيه 3 Onion rings Homemade و بطاطس wedges و3 Stuffed mushroom و 3 Mozzarella sticks و 3 Chicken fingers و بيتقدم معاه صوصين من اختيارك بين 6 انواع صوصات عاملين كمات اختراع اسمه Country potato عبارة عن بطاطس مخبوزة في الفرن و قلبها معمول بيوريه و بتتعمل مع بيبروني و هوت دوج و بيكون معمولين بالصلصة و كل دا عليه جبنة موتزريلا، و تدخل الفرن و الجبنة دي تسيح في قلب البطاطس، طعمها تحفة و معمولة بمزاج كدة من الحاجات المميزة عندهم سلطة الكابوريا، فيها خس و طماطم و فلفل الوان و صوابع كابوريا و مشروم طازة مع الاعشاب ، شرايح زيتون و اكتر حاجة مميزة في طعمها الخل البلسمك، المزازة اللي فيه مع زيت الزيتون طعمهم غني اوي عاملين كمان ساندوتش سي فود متكلف عبارة عن جمبري و كابوريا و كالماري في عيش فينا و عليهم باربكيو صوص، و الساندوتش 28 سنتي يعني اكيد هيملى التانك الحلو بقى عندهم حلو اوي اوي طلبنا حاجة اسمها سينامون بريوش، عبارة عن شريحتين توست متحمصين و عليهم قرفة و بولة ايس كريم غرفانة كراميل عظيمة جدا و دي انا ممكن اجيلها مخصوص في اي وقت من كتر ما طعمها حلو اوي، و طبعا عندهم مولتن كيك، و تشيز كيك بس بصراحة السنامون بريوش دي تكسب

العنوان : ٩ شارع سنجر الخلفاوي شبرا

رقمهم:01276027178