منيو » رقم نيفة النجاحي

نيفة النجاحي اول حاجة هقولها اللي ماجربش لازم يروح يجرب… دي حاجة مختلفة عن اى حاجة اكلتها فى حياتك فى اى مكان وممكن تكون من احلاهم النجاحي ملوك النيفة فى مصر من 100 سنة … وصعب اللي يجرب اكلهم مرة مايروحش تاني كتير.. كان معايا ناس اول مرة تجرب و كانوا منبهرين بجد
بيعملوا النيفة “المتكمرة” اللى مستوية لدرجة انها حرفيا بتقع وتتفصص من عالعضم منغير مجهود وبتدوب فى البق تقولش غزل البنات ! بتختار طبقك بالوزن بييجي زي ماتحب… العادي بيبقى كله نيفة ملبسة و عليها حتتين سجق وكبدة بس ممكن تطلب لحمة حمرا او طبق سجق لوحده بس هو الاساسي بييجي شامل متكامل لحمتهم عجيبة… طعمها مالوش زي و بتدوب فى البق اصلا ماتعرفش تمسكها من كتر ماهي حتة مستوية لوز وطبعا طبق البهاريز المميت الخطير بتاعهم اللي كل مرة بقول مش هاكل منه و بخلصه السجق مختلف وحلو اوي…الكبدة ماليش فيها
الاكل كله عموما مافيهوش اي ريحة زفارة ولا طعم الضاني… وهمية بجد لدرجة اننا كنا شبعانين هنفطس وخلصنا اكلنا رحنا طالبين تاني من حلاوة طعمها ..صعب جدا تقاوم انك تطلب تاني .. خصوصا انها خفيفة مش بتتقل او تحمي بعدها الرز الاصفر كان اول مرة نشوفه بس للاسف حسيته مش لايق عالنيفة او مش مكملها لو رز ابيض او بالشعرية هيبقى الطف فى رأيي الطحينة بتاعتهم جميلة و السلطة الخضرا المشطشطة مع كباية الويسكي لازم مع الاكل ده يدخل يسيح عشان تعرف تطلب تاني الاسعار على حلاوة الاكل والكمية اخر حلاوة

*العنوان :٥٠ شارع مجلس الشعب (مجلس الامه )متفرع من ميدان لازوغلي من ميدان التحرير .

٠١٠٦١٢٦١٩٦١ – ٠١١٥٣٢٩٧٨٤٩

افتح منيو المنيو رقم نيفة النجاحي | منيو مطاعم توصيل الطلبات - اطلب رقم المطعم Menu Restaurant
Advertisements

Comments are closed.