المكان ده بيسوي الاكل في ١٥ ساعه المكان: Sahraan restaurant – مطعم سهران الاكل هناك بيستوي ب طريقه sous vide في ١٥ ساعه على درجه حرارة هادية جداً ، و ده اسمه طهى بطئ و ميزته انه بيحافظ على كل مكونات الاكل و كل فوايده و ف نفس الوقت بيحتفظ بال taste و بيكون الاكل جوسي جداً و بيدوب و انت بتاكله غير كدا المكان تحب تقعد فيه من شياكته و معاملة الستاف الحلوة ♥️ بدأنا ننقنق على ما الاكل يجهز ب سمبوسه لحمه و سمبوسه جبنه كانت حلوه و مقرمشه و مش شاربه زيت اخدنا من الطواجن طاجن لحمه بالبصل كانت اللحمة وهمية و بتدوب ف البوء و طاجن باميه باللحمه كانت حكايه و كل طاجن بينزل معاه رز ابيض و عيش ♥️ و جربنا البط الكونفي ، و بما ان مش اي حد بيعرف يظبطه ، ف قررنا ناخد الريسك و نطلبه و فعلا مندمناش كان حلو جدا ♥️و مفيهوش اي زفاره و كمان بينزل معاه ارز بسمتي و عيش طلبنا طاجن ملوخية من أبو طشة اللى قلبك يحبها و بينزل معاها رز و عيش من الاطباق الرئيسيه اخدنا تشيكن ميجا و ده عباره عن طبقتين فراخ مقليه بينهم سوسيس و جبن و و فلفل ألوان و فريش مشروم ، و بينزل معاه ٢ side dish من اختيارك من ارز و سوتيه و بطاطس الطبق حجمه كويس قوى و يشبع
العنوان: المحور المركزى امام البنك العربى – 6 اكتوبر
التليفون: 01276183333