منيو مطعم فرانده

منيو مطعم فرانده

Veranda – فرانده حضرتك لو معاك فى جيبك 100 جنية أحتفظ بيها وركز معانا
أنت فى المكان ده هتاكل فرايد تشيكن حتى الأشباع بال 100 جنية دى … ومفيش ضريبة
توصل للمكان تقولهم أنا عاوز من عرض All U Can Eat .. أحنا قولنا أكيد فى حاجة فى مكيدة فى الموضوع ? ? .. بس طلبنا الوجبة دى جتلنا 4 قطع مع الرز والبطاطس والكلو سلو والتومية …
خلصنا الفراخ نزلتلنا 4 قطع تانى .. لأ دة الموضوع دة ميتسكتش عليه ..
طيب خد المفاجأة دى بقى … العرض بتاع All U Can Eat مش ع الفراخ بس .. ده الرز كمان لو خلص يتملى تانى .. البطاطس زز التومية .. الكلو سلو .. كل حاجة لما تخلص تتملى تانى .. اللى هو لازم تخرج من المكان ده وأنت كرشك قدامك مترين ..
العرض ده مش على الفرايد تشيكن بس .. ده كمان على الشاورما ب 100 جنية تاكل شاورمة لحد ما تفطس ( ساندوتشين يخلصوا يجيبولك 2 تانيين )
*** السعر ده للفرد الواحد بس مينفعش تشيروا فى الأكل .. كل واحد فى حاجتة وبس بلاش أستنصاح ? ? .. الفراخ بقى نفسها نضيفة جدا و ولونها ابيض وعاوزينك وانت هناك تفصص الفرخة كويس وتوصل للعضم و تشوف النضافة اللى هما عاملينها فى الفراخ ..ودة على فكرة تعرفة من لون العضم
الأكلة دى حلاوتها بقى أنكم تطلبوا معاها نافورة الجبنة ( النافورة ب 70 جنية )
المهم بقى غير العروض بتاع الفجع دى ? .. عندهم بوكس فى 12 ساندوتش كايزر ب 125 جنية متنوعين ما بين سجق و ستربس مقرمشة و شاورما و6 صوصات
وأخيرا بوكس شاورما فيه 6 سندوتشات ب 200 جنية
الخلاصة أنك هتاكل وتتبسط وبسعر مش كتير
وعلى فكرة المكان اضائته هادية اوى والمكان نفسه هادى بس اللى بيقدم كتير ?
واللى عرفناه انهم بيعملموا مناقيش حلوة اوى فى الفطار أكيد هنروح نجربها مرة الصبح

العنوان : المقطم شارع 9 – قطعه 9108 أمام شبانه وبنزينة توتال

التليفون :01018999913

وسم :