منيو » منيو ورقم وعنوان مطعم لاكونكا

اعزمني علي مركب سي فوود ربما لست بخير 💔
من كتر ما صاحب المكان ده عارف ان السي فوود بالنسبالنا عشق عمللنا مركب سي فوود طولها متر تقريبا وتكفي اربع افراد وفيها كل ما لذ وطاب من السي فوود زي الجمبري المشوي والجمبري الشيش والسبيط والكابوريا المشوية وبلح البحر وكفتة جمبري مشوية وكفتة جمبري مقلية وبتنزل بكل المقبلات والحبشتكنات بتاعتها فبيجيلك معاها ٤ شوربة سي فوود بالكريمة و٤ رز بالجمبري و٢ سلطة طحينة و٢ بابا غنوج و٢ سلطة خضرا و٢ ملوخية بالجمبري و٢ رنجة بالطحينة وطاجن بطارخ بالكاري وطاجن بيض سبيط مع جمبري بالكاري فتقريبا الوجبة مش ناقصها أي حاجة وفيها اطباق كتير من اختراعهم هتجربها لأول مرة 😋
وعلشان يخرجوا الوحيدين من بؤسهم ووحدتهم عملوا وجبة معتبرة أصغر من دي شوية فبتكفي فرد واحد وسموها الفلوكة..بتتكون من كفتة جمبري وسبيط وكابوريا ومعاها طبق واحد من كل الحاجات اللي فوق دي علشان تشبرق نفسك 🤩
اللي خلانا نصدق أن الناس دي مبتهرجش وانهم وصلوا لليفل الوحش في افتكاسات السي فوود اننا لاقينا كل حاجة عندهم Stuffed..الكابوريا بيحشوها جمبري والجمبري بيحشوه كابوريا والأروس بيحشوه سي فوود والسبيط بيحشوه كابوريا وجمبري وكفتة الجمبري نفسها محشية جمبري وليلة كبيرة سعادتك 🤤 والعظيم أن بعد كل اللغوصة دي المكان ديكوره حلو وشيك هتلاقي نفسك بتلغوص بالشوكة والسكينة عادي وwell decorated اوي وينفع للعزومات والجروبات الكبيرة 😍

العنوان: مول كايرو كومبليكس – شارع أنقرة – شيراتون – مصر الجديدة
التليفون: 01000081400

افتح منيو المنيو منيو ورقم وعنوان مطعم لاكونكا
Advertisements

Leave a Reply