لما تقرر تخرب الدايت بروقان يبقى تروح المكان ده ?
المكان : حبة سكر
وصلوا المعادي بفرعهم التالت بعد النجاح الكبير في شبرا و مظبطين مكان رايق جدا ديكورات و الوان و هدوء نفسي يخليك توصل لقمة الروقان وانت بتاكل احلى مولتن كيك و المتعه بقه انها بتتعمل فريش مش بتكون جاهزة و ده تقدر تلاحظه بسهوله في طعم الكيك نفسه و جمال الشيكولاته الي عليه و غالبا هتخلصها لوحدك و انت ضميرك مستريح تماما و بينزل معاها 2 ايس رولزعشان تبقى كده كملت و فيه منه لوتس مولتن كيك و لك ان تتخيل الجمال ⁦
جربنا كمان الاوريو مادنيس و اللوتس مادنيس انت مش هتحس بنفسك و انت بتتعامل معاهم الي هو تاخد معلقه و تغمض عينك و اممممممم كده ⁦❤️⁩
عندهم كوكيز اوريو احنا قررنا نسميها فاهيتا عشان بتتقدم في نفس طبق الفاهيتا و بتبقى سخنه مولعة و طعمها حوار و بينزل معاها 2 ايس رولز اوريو
الجارات عندهم منها كل الانواع التشيز كيك كراميل و الريد فيلفيت و اوريو نوتيلا و تيراميسو و كل الي نفسك فيه موجود
الوافلز عندهم بردو لذيذ و عجينته مظبوطه بس كله و هو لسه نازل سخن كده هتتمتع بيه وهو بيدوب في بقك
الجريمة الاخيرة بقه الي كانت حسن الختام هي السينابون بيعملوها بحجم كبير كده يشبع كل رغباتك السينابونية احنا اول مرة نجربها كده و كانت مظبوطه جدا و حاجه محترمه يعني
الجميل انهم بيقدموا مشروبات فانت ممكن تروح تقعد في المكان الرايق ده و تتصور صور جميلة و تاخد المشروب اللذيذ و تروق حالك و مش هتدفع كتير لان اسعارهم في المتناول ⁦❤️⁩

عنوان الفرع: ٩/ ١ الشطر التاسع امام مطعم مؤمن و بجوار بيلادونا. شارع النصر ، المعادى الجديدة
٠١٠٩٠٩٦٠٦٥٨

فرع دوران شبرا : ٢١ شارع السندوبى ناصية محطة مترو روض الفرج
٠١٠٩٢٦٠٤٦٤٠

فرع الخلفاوى : ٢٦٤أ شارع شبرا اما صيدلية رشدى
٠١٠٣٠٩٢٢٧٦٥

العنوان : شارع الخمسين ، بجوار مسجد النور ، زهراء المعادي
التليفون : 0106398233 – 01100010282