Dokkan samak – دكان سمك
المكان ده من أهم مطاعم الأسماك و أشهرهم بالإسكندرية .. قنبلة للناس الأكيلة وعشاق السي فود ومش عارف أبدأ بايه ؟؟؟
من أول ما تتدخل المكان الديكور هيحسسك بروح اسكندرية والبحر والمراكب والصيادين .. وريحة السمك والجمبري اللي مغرقة المكان بتجوع وتفتح النفس
لما مسكنا المنيو مكناش عارفين نطلب ايه ولا ايه
ومكناش مصدقين الاسعار ازاي معقولة كدا أحنا كنا مجموعة أصدقاء وتقريبا جربنا كل حاجه الاكل كله كان سخن ومتأخرش خالص جربنا شوربة السي فود تحفة وجواها قطع سوبيط وجمبري وكابوريا
طلبنا فيليه تركاديرو وده عبارة عن سمك فيليه مقلي بعدها حط علي الوش جمبري وجبنه ودخلوه الفرن اخدت وش
_ السمك كان مقرمش من بره و دايب من جوه جدا عندهم كمان في المنيو قسم العريس ده عبارة عن صدفة ومليانه أنواع مختلفة من السي فود وعليها طبقة جبنة كان طعمها خيااال وعرفنا منهم أنهم أول مطعم بالإسكندرية عمل وطبخ الصدفة عمرنا ما أكلنا حاجه زي دي
_ ده بقي غير الطواجن والمكرونة بالجمبري كل حاجه كانت طعمها تحفة ✔
المكان يستحق التجربة والأكل يستحق أكثر من فلوس بكتير تتدفع فيه

هحط صور المكان والأكل والمنيو عشان الناس تجربه عناوين فروع دكان سمك :-
1- فرع سيتي سكوير سيدي جابر
01122225661
2- فرع نادي سموحة كلوب هاوس
01122225661
3- فرع مشاية مارينا ٤ الساحل
01149477977

صور و منيو مطعم دكان سمك