Loukoumades.egy
دي بقى الزلابيا اليوناني .. موجودة فى water way
يعنى خروجة شيك ونقنقة جديدة
هى شبه الزلابيا بتاعتنا بس الفرق بقى في انها بتبقى محشية
ممكن تختار الحشو ما بين كريمة بندق بالشيكولاتة و في منها كمان باللوتس و الشيكولاتة البيضاء و الفراولة .. يعني محشية و عليها كمان من فوق Topping
بيستخدموا جهاز مخصوص لحشي الزلابية واحدة واحدة ببزبوز عامل زي الحقنة كدة لحد ما الزلابية تتملي بالصوص اللي يعجبك سواء حلو او حادق هم جدا انك تاخد الزلابياية على بؤ واحد عشان بتبقى محشية و اول ما تعضها تلاقيها بووووم فرقعت في بؤك و كله بقى بالطعم اللي اخترته (فراولة، كريمة شيكولاتة بالبندق، جبنة كريمي و زيتون او زعتر و لبنة)
الفكرة إن اللوكومودس مش مسكرة و بس في منها كمان حادق:
زعتر و لبنة، جبنة ڤيتا و فلفل، جبنة ڤيتا يوناني بالعسل
جبنة كريمي و زيتون
و عندهم كمان وافل يوناني “الڤيفلاكي” مختلف شوية عن الوافل العادي و ممكن تضيف عليه صوص شيكولاتة او لوتس
بيعملوا حاجة اسمها “شوروز كونو” دا نوع حلويات منتشر في المكسيك و اسبانيا .. بيعملوها في كونو و ممكن تضيف عليها اي صوص تحبه و ايس كريم الفكرة بقى إن مكانهم في Water way مميز جدا تحس إنك فعلا بتتفسح في اوربا، حواليك الزرع و الشجر و النخل و مشغلين مزيكا اجنبي بتكمل الجو الجميل دا و الاضاءة بالليل بيبقى شكلها حلو اوي
العجينة بتاعت الزلابية بيعملوا بيها ساندوتشات “Breakfast bites” دا اختراااااع
الساندوتش بيبقى عامل زي الدونتس ((قلبه طرررري)) و من برة فيها سنة قرمشة جميلة، جربناها بالاومليت و السجق، بيض بالبسطرمة، بالجبنة يوناني بالفلفل الاخضر و زيت الزيتون .. و في منها بالجبنة الرومي و بتدخل توستر
بيعملوا عصير طبيعي 100% جربنا الماندرين “اليوسفي” منعش و جامد اوي

عنوان مطعم Loukoumades الزلابيا اليوناني
وتر واي 1، التجمع الاول

رقم تليفون دليفري مطعم Loukoumades الزلابيا اليوناني
01120620088

صور و منيو مطعم Loukoumades الزلابيا اليوناني