fbpx

رقم و منيو مطعم مستر ووك

Mr. Wok
الراجل دا بيعمل سحر ولا ايه!
جرب عدي كدة بس قصاد اي فرع من فروع مستر ووك هتلاقي الشيف ماسك الطاسة و كل ما يحط فيها حاجة تطلع نار كإنه ساحر
و اول ما ينزل بالتوم و الجنزبيل تهف بقى الروايح الحلوة، و يفضل الشيف “يهشك” الطاسة الخضار و المكرونة يطيروا يتشقلبوا الهواء لحد ما الاوردر يجهز .. و هوووب ينزل بيه في علبة مستر ووك الشهيرة
الشو دا في حد ذاته يفتح نفسك عالاكل و تحس إن بتاكل مكرونة بالحركات
الفكرة بقى إن منيو مستر ووك جامعة الاكل الاسيوي فا تلاقي النودلز الياباني و التيلاندي و الصيني و في كمان حاجة شبه النودلز اسمها رايز ستيكس و Brown noodles و دي مناسبة للدايت
الاكل بيتعمل بزيت السمسم و ممكن تطلب الاكل من غير ولا نقطة زيت و عموماً الاكل دا Healthy و مناسب للنباتيين تقدر تختار المكونات زي ما تحب من اول نوع النودلز، و بعد كدة ممكن تضيف فراخ، بط، لحمة، جمبري، سي فود، و الاضافات زي البصل و الفلفل الالوان و الاناناس .. الاضافات دي كلها اختياري، و اخر حاجة بتختار الصوص و دا تقريبا اللي بيدي الطعم الاساسى للنودلز و المكونات كلها في صوصات سبايسي و صوصات مسكرة و صوص اسمه باتايا .. دا حراق جدا
و ممكن تختار من الوجبات الجاهزة، هتلاقيها في المنيو كل نوع بالتركيبة الجاهزة بتاعته و المكونات الصح لكل طبق من الحاجات الجامدة اوي عند مستر ووك ال سبرينج رولز بالموز بجد عالمية بتبقى مقرمشة و الموز ناعم اوي جواها، و في كمان اللي بالتفاح، بتبقى عاملة زي ال apple pie بس دي حلاوتها انها صغنونة و جميلة كدة و في كمان انواع تانية زي ال سبرنج رول فراخ، خضار او بط مدخن و جو الاكل عند مستر ووك نفسه في بهجة كدة، في الاول بتتفرج على ال Show و بعد كدة تقعد تاكل بالاستيكس بتاعت اليابانيين و جمبك صوص الصويا و السيراتشا “سبايسي” و طبعاً الاكل دايما بيبقى سخن مولع لانه بيتحضر من الالف للياء قصاد عينك و بيجهز في دقايق

عنوان مطعم مستر ووك
فرع المعادي عالكورنيش قبل المحكمة الدستورية،
و ليهم فروع في الزمالك، الشيخ زايد، بڤرلي هيلز
zamalek,Cairo Egypt.
Chillout,6th Of October.
west Square mall,Baverly hills.
Cairo-Alexandria desert road.
porto marina,Northcost

رقم تليفون دليفري مطعم مستر ووك
0227361642

صور و منيو مطعم مستر ووك
خروجات حوزو
وسم : / /

اترك تعليقاً

لن يتم نشر عنوان بريدك الإلكتروني.