لوفز Loafs
فى روائح بتبقى عاملة زى الادمان
أهو ريحة المخبوزات اللى معمولة بالزبدة دى بتغسانى من جوه
عارفين الافران اللى بنشوفها فى الافلام الاجنبى و اوربا
فى محل عامل زى الحاجات دى بالظبط موجود فى الدقى
والاحلى بقى ان الاسعار بتاعتهم حلوة اوى يعنى الكروسوناية ب 14 جنية وكمان عاملين 50 % خصم على المشروبات السخنه يعنى تقعد وتشرب وتاكل وتقوم دافعلك 25 جنية فى مكان شيك
كل المخبوزات اللي في المحل بتيجي طازة مرتين فى اليوم مرة الساعة 7 الصبح وتتحط فى فاترينه وتيجى مرة تانية الساعه 4 العصر “بتتخطف اول ما تيحي” لو اتباعت يبقى خلاص كدة خلصت، ممكن تيجي تاني يوم تطلب منها
هتلاقي كل انواع الكرواسون اللي تتخيلها بالزبدة، بالجبنة و الزيتون، بالشيكولاتة، بالزعتر، يعني ممكن كل يوم تجرب نوع مختلف و ممكن كمان تفطر هناك مع فنجان قهوة او الشاي بالياسمين و بردو تنوع في المشروبات
متخصصين في المخبوزات الاوربية، دونتس، عيش بريوش، عيش بالشيكولاتة، اكلير، ماكرون، برتزل الماني، عيش بالشيكولاتة و الفواكه و أنواع تانية كتير
الشيف اللي عمل وصفات المخبوزات شيف مصري مشهور مصنف على العالم شيف/ حسين حمدي .. و هو اللي بيحدد الخامات و المقادير و طريقة كل حاجة عشان تطلع زي ما بتتعمل برة بالظبط .. و طبعاً معاه فريق متدرب على ايده (كلهم مصريين) و دي حاجة مشرفة بصراحة

عنوان مطعم لوفز Loafs
9 شارع أحمد المليجى – بجانب مستشفى مصر الدولى – الدقى

رقم تليفون دليفري مطعم لوفز Loafs
01205655555

صور و منيو مطعم لوفز Loafs