fbpx

منيو و رقم مطعم مطبخ روقه

مطبخ روقه المكان الـ Decorations بتاعته Classic شوية اللي هو هتروحو تقعدو تاكلو و تمشوا علي طول فاحنا من مكانا ده بنرشحلكم تطلبو دلفري و تعملوا عزومة في اي حت * هو بيوصل Delivery لكل مدينة نصر و التجمع
بس بالرغم من كده المكان بيستحمل التجمعات عادي جدا و نضيف جدا جدا و واسع بيشيل اعداد يعني لو هتاكلو في الصالة هتتبسطوا جدا بردوا
عندهم طاجن محشي ورق عنب بالكوارع حلو جدا ورق العنب نفسه مبيشدش و الرز كان مستوي و كل ده في الطاجن مع الكوارع و شارب شوربتها هيييييح
و جربنا طاجن فتة الكوارع الصياعة كلها في الصلصة مظبوط حياقها جدا
و جربنا طاجن العكاوي ده لحمة مظبوطة اوي و خلطة البصل بتاعتها مسبكة هتتبسط اوي بيها
جربنا كمان الحمام اللي بيحب الحمام يا جماعة لازم ياكل حمام عندهم الحمام لحمه و حشوة الرز في الحمامة كلها ليه طعم مسكر ظريف اوي كده
طبعا في المشويات هو حاتي اساسا
بيعمل كمان بقي ساندوتشات هو شاطر شوية في الحواوشي هتلاقيه حرش كده غمس في الطحينة و كل هتتبسط جدا
و اسعاره في الساندوتشات ظرفة جدا يعني مثلا السجق والكبده أو الحواوشى بـ 15 جنيه بس
ولو طلبت اى ساندوتشين هتدفع 25 جنيه بس و ساندوتشات فينو في عيش كبير
نفسهم في الاكل الشرقي عموما جميل جدا و عندهم خلطات خاصة بيهم
كان واضح اوي الموضوع ده في المحاشي

عنوان مطعم مطبخ روقه
101 مساكن أطلس شارع صقر قريش، محطة المثلث، الحي العاشر، مدينة نصر

رقم تليفون دليفري مطعم مطبخ روقه
01025876303 – 01124001249 – 01208479091

صور و منيو مطعم مطبخ روقه
خروجات حوزو
وسم :

اترك تعليقاً

لن يتم نشر عنوان بريدك الإلكتروني.