ملوك النوتيلا في مصر ناويين يدلعونا جامد في رمضان السنه دي
المكان : Nutopia Egypt
نوتوبيا السنه دي في رمضان مكسر الدنيا بالكنافات المختلفه اللي منقدرش نستغني عنها كل سنه .. و الموضوع مش نوتيلا بس , لا دا في انواع جديده و محتاجه انك تجربها كلها عشان ميفوتكش حاجه منها زي مثلاً كنافات اللوتس اللي هتلاقيها مليانه بالصوص و البسكوت
و كمان هتلاقي كنافه الفسدق اللي اول متشوفها هتلاقي عنيك هي اللي بتاكل الاول لما تشوف لون الفسدق الاخضر .. و اكيد موجود الكنافه النوتيلا اللي المكان متخصص فيها بـ شكل كبير و بيطلعها فـ احسن شكل ممكن
دا غير البسبوسه اللي زينوها بالقشطه و الفسدق و اللوتس كمان .. و حبوا يدلعوا كل الكروش و عملوا ام علي و رز بلبن غرقانين فسدق و نوتيلا و حاجات تانيه كتير
و طبعاً الچارز العالمية بتاعتهم .. بتبقى كذا طبقه كدا كل واحده اروع من التانيه زي طبقه الكنافه و بعدها طبقة المانجا و بعدهم كمية النوتيلا الكتيييير
فـ لو عايز تحلي رمضانك بشكل جميل و مليان نوتيلا .. اطلع على نوتوبيا و انت مش هتندم ابداً و هتعوز تجرب كل الحاجات الجديده اللي هناك .. و هتكمل كده طول الشهر لحد متوصل لـ كحك العيد

عنوان و رقم تليفون دليفري نوتوبيا ايجيبت
-فروع القاهرة: (مدينة نصر – مصر الجديدة- سيتي سنتر الماظه)
-فرع سيتي سنتر اسكندريه
فرع شارع فؤاد:
٠١٢٠٨٦٦٦٨٨٦
٠٣٤٨٧٢١٠٦
فرع سموحة:
٠١٠٩٦٧٨٨٩٦٧
٠٣٤٢٣٨٩٦٢
فرع العجمى :
٠٣٣٠٩٠٠٣١
٠١١٤١٤٣٤٥٩٥

صور و منيو نوتوبيا ايجيبت