الحايس للحلويات الشرقية والغربية
الحايس اشهر محل حلويات في ((شبرا)) بقى بونير
محلات الحايس ليها تاريخ طويل و مشهورة جدا، البداية كانت في 2003 من عين شمس و اتشهر جدا في شبرا و دلوقتي 15 فرع و وصل لحد بلبيس دلوقتي فروع الحايس بتتوسع اكتر و قرروا ينتشروا في مناطق جديدة و في نفس الوقت هيغيروا اسم البراند ل “بونير” لكن محافظين على الاسعار و نفس الجودة اللي اتشهروا بيها
“حاصل على شهادة ISO لسلامة الغذاء”
الحايس أو “بونير” متخصص في كل ما يخص عالم الحلويات اللي تتخيلها سواء شرقي او غربي يعني تدخل تلاقي صواني البسبوسة بالمكسرات و الكنافة بالقشطة و صوابع زينب و الرموش و الجميل بقى إنك ممكن تجيب طبق حلويات صغنن تحلي بيه ب ١٠ جنيه و في حاجات ب ١٥ جنيه، صينية البسبوسة باللوز ب 55 جنيه مناسبة جدا لو هتاخدها معاك في الزيارات او تقدمها لضيوفك بعد الفطار في رمضان بمناسبة رمضان .. عاملين فوانيس كنافة بالمانجا و كنافة بالفراولة شكلها حلو اوي (الفانوس ب١٦ جنيه) لو قدمته لحد كبير او صغير هينبسط اوي بشكله
عاملين كمان اطباق الحلويات الرمضانية للعزومات زي طبق ميكس كنافة بالمناجا و الفراولة و شيكولاتة بالبندق و في كمان طبق شكله خطير نصه بكريمة الفسدق و التاني بكريمة البندق و كل ما تمشي خطوة تلاقي نوع حلويات مغري اكتر يبقى نفسك تجربهم كلهم
عندك بعد كدة الحلويات الغربي، عندك تورت، جاتوه، ميلفيه، اكلير، تشيز كيك و غيرهم كتير .. بس الحميل بقى إن الاسعار بتبدأ من ٦.٥ جنيه لقطعة الجاتوه او الاكلير و عندك بقى تشكيلة ترضي كل الاذواق شيكولاتة، كريمة، فواكه، مكسرات…
في درجات من كل حاجة، يعني مثلا في جاتوه اسبيشيال القطعة منه ب ١٥ جنيه “طريقة تقديمها مختلفة ” بتبقى في علبة بلاستيك و كل قطعة معاها المعلقة بتاعتها .. دي مناسبة جداً للحفلات و الشركات لانك بالشكل دا مش محتاج اطباق ولا معالق
كمان لو عايز حاجة خفيفة تحلي بيها او تقدمها لضيوفك بعد اكلة حرشة ادخل بقى على تلاجة الرز بلبن و ام علي و الكريم كراميل الحاجات الجميلة دي كلها، تقف قصاد التلاجة بجد تحتار تجيب ايه يعني في رز بلبن سادة و في بالمكسرات و في انواه بصوصات زي الفراولة و التوت .. ولا هجيب ام علي؟ ولا تشيز كيك؟ كمان عندهم جزء متخصص في المخبوزات، فطير مشلتت، باتيه او حتى فينو و في كمان تشكيلة شيكولاتات حلوة اوي سادة و بالبندق و الشيكولاتة البيضاء و انواع تانية كتير اعمل Save للموقع دا عشان هتحتاجه تاني عالعيد .. يعني الكحك و البسكوت و البيتي فور و الغريبة الحاجات الجميلة دي كلها مع كوباية الشاي بعد صلاة العيد🎈❤️ و في دليڤري بيوصل لكل المناطق

عنوان الحايس للحلويات الشرقية والغربية
فرع شبرا الخيمة، ٥١ شارع ١٥ مايو “ليهم 3 فروع في شبرا الخيمة” و فروع في حدايق المعادي، مصر الجديدة، عين شمس، العتبة، بولاق الدكرور، احمد عرابي، الزاوية الحمراء، عزبة النخل و فرعين في بلبيس

رقم تليفون دليفري الحايس للحلويات الشرقية والغربية
01000779609

صور و منيو الحايس للحلويات الشرقية والغربية