منبع الكنافة بالمانجا في مصر المكان Simonds bakery and cafe لما مكان بالعظمة دي موجود من سنة ١٨٩٨ يفتكسلنا في كنافات رمضان لازم نبقي متأكدين اننا داخلين علي ليلة كبيرة أوي والافتكاسات عندهم في تطور دايما من أول الكنافة يالمانجا اللي أبدعوا فيها وبقوا الماستر فيها ومينفعش يعدي رمضان الا لما نضربلنا ٢ ٣ من عنده لحد الكنافة بالنوتيلا والريد فيلفت كنا بنحب اوي البولات بتاعتهم ومفيش احلي من انك تدب المعلقة جوا كل الطبقات الملغوصة من الكنافة والكريمة والمانجا او الفراولة مثلا بس المرك دي عملوا الكنافة كونو فليها احساس كده مختلف خالص بيعملوا منها بالمانجا وبالنوتيلا والنوتيلا اللي جواها شبه بتمط من كتر ما الكمية كتيرة ومكيفة جوا الكنافة واحلي حاجة فيها انها بتتقطم علي طول ومبيبقاش بينك وبينها أي تكليف وعندهم بولات كبيرة بالنوتيلا كمان ولو انت شخص بيقدس القطايف مش هتلاقي احسن من اللي بيعملوها خصوصا اللي بيحشوها كريمة وفستق وشكلها لوحده يفطر وبيحشوا بلح الشام كريمة كمان فتقريبا مسابوش حاجة علي حالها والكريمة عندهم بتكون لباني مميزة جداً ومتكلفة بجد وأول ما تدوقها هتحس فعلاً بالفرق بينها وبين اي مكان تاني
العنوان: ١١٢ شارع ٢٦ يوليو – الزمالك
الفروع: ليجيندا مول – ميدان زهرة المدائن – الشيخ زايد – 6 أكتوبر
٩٨ شارع النيل – الدقي
٣٣ شارع العراق من شارع شهاب – المهندسين
التليفون: 0237944038