تفتكرو ممكن نلاقى مكان شيك و أكله تحفة و أسعاره حنينة فنفس الوقت ؟ المكان: Stereo Restaurant & Café بدون مبالغة المكان ده من أشيك الأماكن فى التجمع كلها و هو عبارة عن مبنى كامل لوحده مطعم و كافيه و عندهم منيو للفطار و واحد للغدا و واحد للحلو و المشاريب فهتلاقو اللى بتحبوه لا محالة و أسعارهم حلوة جداً فلو الدنيا مقشفرة معاكو ماتقلقوش الناس دى حققت لينا حلمنا و خاصةً الأُسر اللى معاهم أطفال و مش عارفين يخرجو بحجة الأولاد هنسيبهم فين أو الأولاد هيزهقو و مش هيلاقو حاجة يعملوها المكان دارس ده و مخططله كويس جداً و عملكو KidsArea كبيرة و فيها ألعاب كتير و معمولها Safety كويس عشان الأطفال و ببلاش الخدمة فى المكان فوق الممتازة و من أول ما تدخلو هتحسو بده جداً و كل Area فى المكان فيها Waiters كتير عشان لو إحتاجتو اى حاجة و اللى حبيناه أكتر إن محدش مركز معاك ولا حد بيبصلك فهتبقو واخدين راحتكم و مستمتعين بخصوصيتكم طبعاً إحنا ماعرفناش نجرب كل حاجة عشان عندهم حاجات كتير قوى بس هيبقى فى طلعات تانية كتير جاية إن شاء الله و برضو إنتو روحو و جربو الحاجات التانية و قولولنا جربتو ايه و رأيكم و إحنا اللى جربناه وصفناهلكم فى الصور
العنوان: شارع ٦٦ متفرع من شارع التسعين الجنوبى – أمام كومباوند Lake View – التجمع الخامس
التليفون: 19706