وليمة في الدقي فيها اكل International و يمني المكان: Waleema Restaurants – مطاعم وليمة **الاكل كله بلحمه بلدي ❤ . #المود : مود سلاطيني كده و الوان مريحة للعين و الكراسي تساعدك علي الانتخة بعد ما كرشك يدلدل . #ليه_تروح_المكان : حاولو يلمو كل الاذواق في الاكل و الاكل اليمني عندهم ليه شيف يمني مخصوص و عندهم كراسي للاطفال و شوية لعب كده يلعبو بيهم جنب اهلهم . #الاكل : الاكل الانترناشونال عندهم اصناف كتير سيزار سلاد و شوربة سي فود … بس اللي شدنا باستا ال Seafood الوايت صوص فيها كان ماسك نفسه شوية و حياقه لطيف ⁦❤ و عندهم الشواية الدهبية بتاعة السلاطين دي بينزلك عليها المشاوي من كفتة و شيش و فراخ ⁦❤️⁩ الفراخ المشوية عندهم ميزتها انها بتبات في التتبيلة فترة طويلة فبتلاقي لحم الفرخة شارب التتبيلة و عندهم كاسديا و شاورما فراخ بردو بالنسبة للاكل اليمني عندهم مندي لحم يمني و زربيان و مبكبكة بتنزلك ببكبكتها علي التربيزة تبكبك قدامك المندي و الزربيان هتلاقي فيهم حتت لحمة كتير ملبسة كده و مبتلتش في بوقك خالص بتقطم معاك جدا و طبعا معاهم رز بسمتي نفس الكلام علي المبكبكة حتت اللحمة بتقطم جدا ? و في كفتة يمني دي بيبقي ليها تتبيلة مختلفة عن الكفتة العادية في عندهم عصيدة حاجة تقيلة بتسد كده اطلبها لو انت عارفها . #تقيمنا : المكان لطيف كقعدة مش و الاحلي التنوع اللي عاملينه في الاكل صعب انك تلاقي مطعم عنده اكل يمني و International في نفس الوقت و عندهم Dessert و Beverage خفاف كده لو انت حابب تقعد تحلي بس او تحلي بعد الاكل ⁦❤️⁩
العنوان : 7 شارع مصدق , الدقي
التليفون :0237622060 –01010606199