اللي قدامكم ده أول مكان في مصر يقدم الفطار بنظام الـ Keto Diet اللي اصلا بعتمد على الدهون والبروتين (بس لازم تحجز) المكان: Vecchio – فيكيو مبدئياً فى سؤال مهم قوى ، عمركو جربتوا فراخ باللوز ؟ المكان واخد Style إيطالى بديكوراته و إضاءته الهادية المريحة و من يوم ما فتح و شكله شاددنا قوى و حطيناه فى List الفطار فى رمضان و كنا فاكرين اننا هنفطر أكل إيطالى بيتزات و مكرونات و الكلام ده بس اللى فاجئنا إنهم بيعملوا دجاج مسحب و شيش طاووق و بط روستو و ميكس جريل و حاجات تانية كتير بس اللى فاجئنا أكتر ان الأكل وهمى و كل حاجة طالعة مستوية بمزاج و لحمتها دايبة و كمياتهم حلوة قوى و ممكن يتبقى منك أكل كمان المكان ديكوره و قاعدته تحب تقعد فيهم قوى و خاصةً كمان إن الService شيك و سريعة ♥ و لو انتو ماشيين على نظام الKeto Diet و خايفين تبوظوه فهم أول مكان يقدم أكله بالنظام ده هيعملولكم أكلكم بنفس النظام بتاعكم و هيظبطولكم الوجبة عشان تعبكم ميروحش هدر بس و انتو بتتصلوا تحجزوا للفطار أكدوا عليهم انكم عايزين الفطار بنظام الKeto Diet *للناس اللي مش عارفة الكيتو دايت: من خبرتنا البسيطة الكيتو دايت ده ببساطة هو بيحول مصدر طاقة الجسم مم اعتماده علي النشويات لاعتماده علي الدهون و ده عن طريق ان الواحد مش بياكل نشويات خالص ولا سكر و بتبقي الوجبة اغلبها دهون صحية طبعا و بعدين بروتين فالبتالي الوقت اللي الواحد مش بياكل فيه الجسم هيدخل علي الدهون المتخذنة في الجسم يحرقها العنوان: ٢٣ شارع الأرقم بن الأرقم – خلف كارفور المعادى التليفون: 01097066602