نعتذر عن قساوة الصور بس الواحد مش هيتعذب لوحدة فى الصيام كدة .. كنافة باللوتتس او بالنوتيلا او المانجو وحاجة كبيرة اوى حضرتك الناس اللى بتعشق الكنافة نضم على بعضنا كدة علشان الكلام اللى جاى .. والمحل دة بالذات جالنا ترشيحات كتير اوى من الاعضاء انه السنادى عامل قلبان هنتكلم أنهاردة على واحد من أشهر أماكن الحلويات واللى بيراعى جيب الشعب المصرى وبيخللى الكل يدوق الأفتكاسات اللى بنشوفها ع النت وبأسعار ملاقيناش زيها ( المنيو مع الصور ) ..يعنى قرر ان مفيش حد ياكل كنافة عادية خلاص ? حلوانى الدمياطى موجود من سنة 1950 بمجرد ما تدخل اول فرع من فروعة التلاته هتشم الريحة المحببة للنفس بتاعت أختلاط الكنافة بالسمنه ..حاجة كدة ميقدرهاش ألا الصايم ? .. لقينا الناس اللى بتشترى متقسمة لاكتر من حاجة يعنى اللى بيشترى الحاجات بالكيلو ودى بقى اللى عاوز ينوع نص كيلو فى ربع كيلو بس هياخد الحاجات التقليدية ..أما الجزء بتاع الجاهز اللى تقريبا كل نص ساعه بيتغير من الضغط علية تلاقى حاجات داخلة جديدة .. عندهم كمان حاجة حلوة اوى و الكوبايات الصغيرة اللى فيها أطعمه كتير ( كنافة طبعا ) ودى بنرشحها للى عينة بتزغلل زيينا أنه ينوع زيينا ويحدد أهدافة علشان تانى يوم يروح يشترى الكبيرة بقى ? .. المهم الواحد مهما حاول يشرح الصور هتلاقوها شارحة نفسها حاجة مهمه أخيرة فى أكتر من حلوانى أسمة الدمياطى بس اللى قصدنا علية ده “الدمياطى عبد الفتاح الحسينى” فروعه فى البحر الأعظم و مدينة نصر و 6 أكتوبر علشان اللغبطة بس
التليفون : 16522
العنوان الفروع الخاصة ب الدمياطي عبد الفتاح الحسيني
البحر الأعظم / شارع البحر الأعظم بجوار القريه الفرعونيه : ٢٤ ساعة
٠٢٣٥٧٢٨٧٠٠ – ٠٢٣٥٧٢٨٧٠١ – ٠١١١٠١٢٨٨٣٨
مدينة نصر / ١٠٣ (عمارات التوفيق) شارع الطيران أمام وزاره الدفاع : ٨-١ صباحاً
٠٢٢٢٦٠٢٧٧٦ – ٠٢٢٤٠٤٤٥١٠ – ٠١١١٠١٢٨٨٣٥
٦ أكتوبر / ميدان الحصرى – مول الأمريكيه – أمام مسجد الحصرى : ٨-١ صباحاً
٠٢٣٨٣٥٥٧١٢ – ٠٢٣٨٣٥٥٧١٣ – ٠١١١٠١٢٨٨٣٧
– الشيخ زايد
– المعادي