مين طالع إسكندرية ناااو ? تخيل نفسك قاعد على شط إسكندرية و جنبك الحبشتكنات العظيمة اللى فى أول صورة دى المكان: Nos Fino – نص فينو انت شبه قاعد فى قلب البحر عشان المكان بينه و بين البحر خطوتين و وانتو قاعدين بتاكلوا فيه انتو قدامكم View وهمى شايفين البحر كله و المكان نفسه عاملينه بشكل حلو قوى و ألوانه مبهجة جداً تقدر تقعد قدامه على كراسى و طرابيزات أو ممكن تقعدوا على الRoof و هتبقوا شايفين البحر من فوق و الهوا عمال يخبط فيكو و حاجة يعنى أخر روقان هتطلع بكمية بهجة من المكان ده مش طبيعية و خاصةً لو كلت الحاجات اللى هنرشحهالكم دلوقتى عشان مميزين قوى فيهم مبدئياً بيعملوا ساندوتش طعمية فى عيش بلدى لونه أحمر و دا بيعملوه بمية البنجر ? كمان بيعملوا شوية كبدة و سجق و حواوشى سجق ملهومش حل و بيعملوا فطار حلو قوى و أكتر حاجة شدتنا و عجبتنا قوى صينية الفطير المشلتت بيبقى معاها عسل و جبنة قديمة و مربى و جبنة بطماطم و قرصين طعمية كبار و الفطيرة بتنزلكو سخنة طازة و بتكفى ٤ أفراد و ب ١٠٩ جنيه بس يعنى هتفطروا عالView ده و كل واحد فيكم هيدفعله حوالى ٢٧ جنيه ولا المكرونة الفراخ بصوص Sweet&Sour اللى عليها طماطم مجففة..يا خراابى على طعمتها بجد ? بيعملوا Drinks عالمية و منعشة قوى هتلاقوها فى الصور بصو إحنا جربنا حاجات كتير و كلهم كيفونا قوى و اللى عجبنا إن أسعارهم حلوة جداً نسيبكو تجوعوا مع الصور *** المكان عنده مكرونات فرن

العنوان: Tivoli Dome – على الكورنيش بجوار فندق آزور – إسكندرية

التليفون: 01013734434