لاقينا اكبر فطيرة في مصر حجمها نص متر ? المكان Feteerabon ماذا لو روحت مكان بيعمل فطير وبعد ما طلبت الاوردر بتاعك لاقيت فطيرة قطرها ٥٠ سم تقريبا نزلالك علي ترابيزتك بهذا الحجم العملاق وبتتكون من ٤ أنواع تدب فيهم براحتك ? اول ناس تقدر الfeteer addicts وتعملنا الحجم العملاق ده فعملوا الفطيرة حجمها نص متر تقريبا وبتكفي من ٣ ل٥ أكيله واحنا طبعا اول ما سمعنا الكلام ده مقدرناش نسيطر علي الوحش اللي جوانا وروحنا نشوف الحوار ده ? الفطير عندهم ليه ليفل تاني في الحلاوة مخدوم ومتكلف والعجينة بتاعته مميزة اوي وبيعملوه كأنه جاي من ايطاليا لأنه في نفس الرفع وسمبتيك زي الاكل الايطالي..بيعملوا الفطير رفيع شوية فهتقدر تحس بطعم كل حاجة معاه وفي الحشو مابيتوصوش وبيحطوا منه كميات رهيبة وعندهم انواع لا حصر لها من الحشو وعندهم افتكاسات اول مرة نشوفها زي الفطير بالكوردن بلو والفطير بالتشيكن رانش وما خفي كان أعظم ? انما الحلو بقي عندهم فده حلو بزيادة؛ تقريبا اول مره نشوف حد بيعمل فطير بالكيندر ودي حاجة لازم تجربوها لما تروحوا والاحجام عندهم كتير علي رأسهم الحجم الفاميلي العظيم ده وحجم لارج وميديم وبيتميزوا جدا بالرول وبيعملوه حلو اوي وعندهم حجم ميني كمان ده لزوم النقنقة وحاجة كده سهله وفي السريع ولو عايزين تعرفوا أكتر عن الحاجات اللي جربناها هتلاقوا وصف ليها مع الصور

العنوان: بنزينة وطنية – شارع الخمسين – زهراء المعادي

التليفون: 01027569695