مكان زي ده يرجعك للسبعينات مثلا ?? المكان Oldish
المكان ?ده حاجه مختلفة كده وبيلعب في حته لوحده من زمان وفكرتهم قايمة علي انهم يرجعوك لايام الستينات والسبعينات بروقانهم وهدوئهم وده هتحسه من اول ماتدخل من الباب الكبير العتيق اللي في مدخل المكان ولما تدخل هتلاقي طرابيش وبيانو كبير وحارة ضيقة كلها بلكونات وشبابيك وزرع هتحسسك انك قاعد في فيلم او مسلسل قديم بجد وجزء تاني واسع مووده مبهج شوية وسلم كبير بيودي لباب عتيق اوي لما بتدخل منه كأنك دخلت بيت امير او سلطان من بتوع زمان فانتوا لازم تشوفوا المكان بنفسكوا
جربنا كذا حاجه زي البيتزا وطعمها كان حلو اوي وعظيم وجربنا كمان تشيكن كاري وخدنا ورق عنب كده لزوم النقنقة بيعملوا حاجه عجبتنا اوي اللي هي القهوة اللي جوا كوباية معمولة من كوكيز علشان بعد ما تخلص قهوتك تعيش بقي مع الكوكيز اللي متليطة نوتيلا حرفيا من جوا والاختراع ده عندهم اسمه نوتيلا بيسكو كوفي..وبيعملوا منه اختراع تاني الكافيه كونو وبيحطوا جواه ايس كوفي وايس كريم وعاملين dessert جديد اسمه the mountain بيبقي طبق عظيم كده فيه مولتن كيك مع براونيز غرقانين تشوكلت صوص وفاكهة كتير وايس كريم
والفطار عندهم من الساعة 8 الصبح ل12 الضهر وعاميلن اوفر حلو اوي عليه وده محفز كبير يخلينا نصحي ونبدأ اليوم من بدري ونجرب vibes الفطار عندهم يعني حضرتك هتقعد في اكتر مكان نوستاليجي وعتيق في مصر ولو عددكوا 5 أفراد او اكتر روحوا المكان ده وليكوا خصم 50?? علي اي فطار تختاروه ولو انتوا 4 افراد الخصم هيكون 40?? ولو 3 او أقل الخصم 30?

العنوان: 61 شارع ابو بكر الصديق – ميدان سفير – مصر الجديدة – بالقرب من مترو هارون

التليفون:01020132666