المكان : Abu Selim – ابو سليم
مطعم جديد بيكسر الاسعار ب ٤٠ جنيه بس وجبة كامة متكاملة ربع فرخة و بشاميل و في وجبة تانية ربع فرخة و رز و خضار و بردو ٤٠ جنيه بس
ده غير ال Offer القوي جدا بكمية الاكل الرهيبة دي ?
المكان هادي و كلاسيك كده في شاشات عشان تتفرج و انت بتاكل و قعدته مريحة و مناسب جدا لل Groups و العائلات و بيطلع Delivery عشان لو قررنا نأنتخ ولا لو احنا في الشغل و جعنا ولا حاجة ⁦❤️⁩
المطعم بيعمل Items كتير جدا كذا نوع طواجن و كذا نوع حواوشي و مكرونات و ورق لحمة و سجق و كبدة ?
و فرايز و ممبار و غيرها حاجات كتير ?
احنا جربنا طاجن اللحمة بالبصل كان طعم اللحمة واضح انها بلدي خصوصا انهم مشوحينها مع البصل كويس و اللحمة بتقطم و دايبة ?
و جربنا طاجن الكوارع للناس الحرشة ⁦❤️⁩
و جربنا طاجن بطاطس باللحمة كان حياقه مظبوط و اللحمة كان الكوالتي بتاعها حلو جدا باين انها بلدي و دايبة طبعا الجميل ان الميكس مع البطاطس كان حاجة تجري الريق كده ⁦❤️⁩
جربنا ٣ انواع حواوشي العادي و اللي بالجبنة طبعا الموزاريلا كانت مغرية جدا و ده بالذات بنرشحه لناس كتير و جربنا حواوشي ميكس جبن عليه خصار
عنده حواوشي سجق بردو السجق عنده رهيب فحواوشي السجق اكيد تحفة ⁦❤️
نزلنا ورقة السجق دي بقي كانت قصة تانية ?
السجق طعمه مختلف واضح في طعم اللحمة فالموضوع كان Valuable اوي متهيالي مفيش حد مش هيعجبه السجق عندهم ?
البشاميل بيطلعه في طواجن بردو الا لو Delivery بيعمله في الطاجن و يطلعه في اطباق كمية اللحمة في المكرونة حلوة جدا
هم اللحمة عندهم عموما بلدي و ده واضح في الطعم ⁦❤️⁩

قبل ما ننسي جربنا كمان الملوخية ? لازم تجربوها هناك بردو ?
عامل Offer قوي جدا هو انه هينزلك ١٦ ربع حواوشي و معاهم ٤ طواجن مكرونة بشاميل و معاهم نص كيلو ممبار و بطاطس كتير جدا ال Offer ده يكفي ٤ اشخاص اكيلة بزيادة و ٥ طبيعين و ممكن ٦ لو اكلتهم اقل من العادي حاجة بسيطة ⁦❤️⁩ سعره ٢٥٠ جنيه يعني الفرد لو انتو ٤ في حدود ٦٣ جنيه

العنوان : شارع الخمسين ، بجوار مسجد النور ، زهراء المعادي

التليفون : 0106398233 – 01100010282