Fatouma
ال5 سندوتشات ب 35 جنية ومفيش خدمة ولا ضريبة
يعنى هتخرج وتتبسط ومش هتدفع كتير .. المنيو مع الصور هتلاقى حضرتك أسعار من التمانينات مش التسعينات بس ? ?
دة أنت هتاكل ع الواقف أو على كبوت عربية مع التمشية فى مصر الجديدة وبالتحديد عند الميريلاند ومنطقة روكسى ..
الخروجة دى تنفع لأسرة أو لمجموعة شباب .. خصوصا أن الأسعار تحسها فى المنيو غريبة اوى
يعنى تلاقى باكيت البطاطس ب 5 جنية
ساندوتش البانية فعلا عبقرى و ب 18 جنية

هو أصلا أحنا كنا واقفين علشان نشرب قهوه عندهم وعرفنا من ريحة الكبدة أن فى أكل بيتشوح جوة فبنبص ع المنيو لقينا الحاجات الغربية دى ? ? بس فى وجبة هى الأهم أسمها بروتين مكس ودى 5 سندوتشات كبدة وسجق شرقى – سجق أسكندرانى – سجق مدخن – حلاوة بالقشطة
الكلام دة ب 35 جنية .. نسكت روحنا طالبينها ??
حد تانى بقلا طلب البانية اللى هو فعلا تتبيلتة حلوة اوى
وخدنا المكرونة السادة اللى ب 15 جنية .. الليلة كلها ولا حاجدة مقابل أنك هتخرج خروجة حلوة اوى
اه على فكرة اللى يروح بليل يضرب بليلة هتعجبة اوى

العنوان : روكسى – سور حديقة المريلاند

التليفون :19002