منيو » منيو مطعم بابا

Baba Restaurant
ساندوتش الشاورما بيبدأ من 25 جنيه ومش هتقدر تكملة 😍😍
المحل دا اول ما شوفته فكرني اوي بقعدة المطاعم اللي بتبقى موحودة في المصايف، اللي هو ترابيزات و كراسي بلاستيك و الموضوع كله على بعضه بسيط بس في الاخر الناس عاملين حاجة حلوة و طبعا الجو دا بيبقى مناسب جداً لخروجات الشباب و العائلات
بمجرد ما تقعد مش هتحتار تطلب ايه .. هتلاقي ريحة الشاورما كل شوية تهفهف و من حلاوة ريحة الشاورما كنت هقوم اكلها من عالسيخ
اساسي انك تطلب شاورما طبعا، و عشان نجرب حاجة مميزة طلبت شاورما بابا سوري، الساندوتش دا بيبقى فيه 2 موتزريلا ستيكس مقليين مع المشروم و كوكتيل صوص
و من اول ما دخلت كنت شايف الشيف بيعمل ساندوتشات شاورما لونها اخضر و احمر الاخضر دا عيش تورتيلا الاعشاب مع صوص الحبق و الاحمر تورتيلا مع الطماطم المكسيكي و دا طبعا الصوص اللي فيه حراق
عندهم فتة اسمها شاورما بابا .. دي بقى غير فتة الشاورما العادية خالص، دي حاجة معمولة مخصوص للاكيلة اللي عايزين يركزوا عالمهم على طول، بتبقى عبارة عن بطاطس محمرة غرقاااانة جبنة شيدر و موتزريلا سايحة و في قلبها الشاورما، تدب الشوكة تلاقيها بتمط معاك لحد بؤك، بس المهم تبدأ بيها و هي لسة سخنة
من الاختراعات اللي عجبتنا جدا وجبة اسمه “تشكين رول” بتبقى فراخ محشية جبنة و كوكتيل صوص و بتتقدم مع بطاطس محمرة شبه الشيبسي بس اتخن و عليها رشة التوابل السوري .. دي كمان كانت حلوة اوي 👍😍
جربنا ساندوتش غربي اسمه “بانيلي بولو” ميكس خطير كدة عبارة عن صدر فراخ مشوية محشي فلفل الوان و مشروم و زرة حلوة مع الجبنة الموتزاريلا و الكاتشب و المايونيز، القطمة الواحدة بيبقى فيها كذا طعم و في توازن بين الطعم الحادق و المسكر يخليك منسجم جدا مع الساندوتش
و لازم تجرب التبولة بالتفاح الاخضر، الفكرة مش في التفاح بس، دي فيها خل على زيت زيتون طعمهم تحفة مع التبولة و قرمشة التفاح في النص كدة تحس انها بتزغزغ بؤك 😃

العنوان التجمع الخامس، منطقة الخدمات، 32 مول مرحبا، خلف مسجد الحمد

رقمهم 01110870081

افتح منيو المنيو منيو مطعم بابا | منيو مطاعم توصيل الطلبات - اطلب رقم المطعم Menu Restaurant
Advertisements

Leave a Reply