رقم مطعم الضيعة اللبناني

رقم مطعم الضيعة اللبناني

Al Dayaa Restaurant – الضيعة
حتة من لبنان ?? فى قلب المعادى ? من اول البوابه هتحس انك سافرت لبنان ? جو المكان من حيث الديكور الجميل و الانتيكات اللى موجوده فى كل ركن و الاغانى اللبنانية ? هتاخدك لعالم تانى من الرقااان اللانهائى ☺
المكان دورين و الدور اللى تحت Non Smoke و لو حد بيدخن يبقا الدور اللى فوق
الاكل اللبنانى معروف بانهم بيهتمو بالجودة اوى وكمان المكان دا مهتم بالكمية اوى ?
بدأنا بالمزات و المقبلات و اخدنا ( مقانق بدبس الرمان ) و دى بتبقا سجق مشوى بدبس الرمان و بطاطس صوابع والصوص و كانت وهمية جدااااا و طعمه بالعيش بتعهم اللى بيخبزوه عندهم حاجه عظمة? و كمان ( ورق عنب بالزيت ) و دا بيتقدم بارد و عليه تتبيلة خاصة بيهم و كان تحفة ? اخدنا كمان (منقوشة زعتر) و كانت مختلفة عن اماكن كتير و شهية ? و كمان ( بطاطس عربى ) و دى بتبقا مكعبات بطاطس مقلية و معمولة بتتبيلة خاصة بيهم بجد تحفة ?
بعد كدا دخلنا عالتقيييييل ? اخدنا ( صينية طاووق بالجبنة ) و دى خاصة بالمكان عندهم بس و مميزة عندهم اوى و كانت عبارة عن شيش طاووق بالجنبة الموتزاريلا مع مكعبات البطاطس و الخضروات كل دا متغطى بطبقة عيش طازه و كان شكلها وهمى و هى نازله??
اخدنا كمان ( فريك بلحمة الموزة ) و دا حاجة كدا زى الفتة و عليها زبادى و عيش محمص مع الصنوبر و دا طبق ممتع جداا لازم تجربوه ??
التجربة كانت مختلفة و جميلة جدااا و المكان حاجة عظيمة ننصحكم بتجربته ??
عندهم دليڤيرى داخل المعادى

العنوان : المعادى – دجلة – ش٢٣١ – رقم ٣٣

التليفون :٠١٠٢٠٠٢٠٤٠٠

وسم :