منيو » منيو كبابجي ابو علي

Kababji Abo Ali – كبابجي ابو علي المكان دا شعاره الكيلو / كيلو لكن مش الكمية بس اللى محترمة لا دا المكان كمان حاجه فخمة جدااا اشبه للفنادق من حيث جو القعده او الخدمة 👌
مكانهم ف مدينة الرحاب – السوق الشرقى
المكان عبارة عن مبنى دورين فى منتهى الشياكة لدرجة اننا حسينا اننا دخلنا معرض للمشويات و كمان عندهم قعدة Outdoor تحفة جنب النافورة اخر روقاااان ودى بقا قهوة تبع المطعم بس ممكن يتقدم فيها الاكل و موجود فيها شاشة بروچكتور و كمان ال Indoor فيه شاشات و فيه شاشات عملاقة 😉
اكلهم كله بلدى من مزارع خاصة بيهم 👍🏼 اخدنا الاول حواوشى لزوم المزمزة و كان حاجة تحفة و طعم اوى 😋 و بعدين دخلنا عالتقيل و كان كفتة و كباب و ريش و فراخ مشوية و دول حاجه وهم و تتبيلتهم و شويهم مظبوط اووووى بجد حاجه محترمه و كان معاهم ارز بالخلطة و السلاطات 😋😋
المنيو بتاعهم فيه كمان حلو و مشروبات و قلنا نشرب حاجة بعد المعركة و اخدنا سموزى بطيخ و سموزى مانجو و سموزى بلو بيرى 😋 و حبينا نجرب الحلو عندهم و اخدنا ام على و ابل باى بالايس كريم و شوكليت كيك بالايس كريم و كان طعم الحلو عندهم يجنن 😋
التجربة كانت جميلة جدااا و مكان مميز فعلا و يستحق الزيارة 👍🏼
العناوين
📍 مدينة الرحاب – السوق الشرقى – بجوار بوابة ٢٢
📍 مدينة العبور – سور نادى العبور – مدخل الحى الاول

Hotline Number 📞 19564

افتح منيو المنيو منيو كبابجي ابو علي | منيو مطاعم توصيل الطلبات - اطلب رقم المطعم Menu Restaurant
Advertisements

Leave a Reply