منيو » منيو ورقم مطعم المرسى للمأكولات البحرية

المرسى للمأكولات البحرية هو فى جمبرى بالحجم دة فى مصر الناس اللى عجبها البوست بتاع الأسكندرية 😊 طيب ناكل سمك فين .. سألنا الاسكندرانية ناكل فين فالمعظم رشحلنا المكان الجديد دة .. ( أهم نقطة أن المكان ده مفيهوش خدمة ولا ضريبة و على أد الايد ) قلعة للاسماك فى الاسكندرية مكان شيك وقعدة بنضافة والاهم بسعر على أد الايد وكمان السمك كله بحرى ( الناس اللى بتفهم فى السمك هتعرف ده من الصور ) .. أنت بتوصل المكان تنقى السمك من النصبة اللى بتقابلك اول ما تدخل و تبتدى الناس تشرحلك ممكن يتعمل أيه و سيبهم هما اللى يرشحولك لأنك هتتبسط صدقنى زى ما أحنا عملنا .. وكمان ميزة مهمه اوى انك لة طالب سمك هيفصصولك السماكية وانت قاعد زى الباشا ( بس أتعلم بقى علشان المرة الجاية تعتمد على نفسك ) اختارنا الحاجات وطلعنا على الدور اللى فوق اللى ديكورة الوانة مبهجة جدا والاهم انالمحل كلة على الرغم من أنه بتاع سمك ألا انه مفيش ريحة زفارة خالص .. البداية مع الشوربة اللى طلبناها شوربة بطارخ والشوبة دى حرفيا من كثافتها ممكن تشربها بالشوكة … حاجة كدة طعمها ميتوصفش مع كل شفطة هتحس أن طاقتك بتزيد زى بطارية الموبايل بالظبط 😊 😊 .. تانى حاجة تطلبك كام واحدة كابوريا مخلية ( زى ما قريت بالظبط مخلية ) هما بيخلوها وانت تلهط علطول .. علشان بس اللى مبيعرفش يكسرها وميعرفش طعمها يبقى جرب و حاجة متتفوتش هو صدفة السعادة 😊 اللى على أسم المكان طاجن المرسى ودة بيجيلك فى صدفة أو قوقعة كبيرة وجواة مش حاجات عادية لا جواه الحاجات اللى تعتبر بنزين للبنى أدم زى البطارخ المبطرخة 😊😊 و بيض السبيط و الجمبرى وكل ده مع كريمة طبخ بيضا و على الوش جبنة حاجة كدة لو جدع خلصها لوحدك 😊😊 ومادام الموضوع بعيد عن السمك احنا بندور ع الحاجات البلدى خد البطارخ كمان صينية بسبوسة .. البطارخ بتتفرج بتبقى عاملة زى البسبوسة وتتحط فى الصينية .. أخيرا بقى الجمبرى اللى مفيش حد بيكرهه فى التاريخ ودة للأمانه احلى مكان كلنا فية الجمبرى اللى معول فراشة حاجة كدة معمولة بتتبيلة رهيبة مكان رائع ونضيف وأخيرا عرفنا ملجأنا للسمك فى الاسكندرية

العنوان : 157شارع خالد ابن الوليد بعد فندق هيلتون الكورنيش سيدى بشر الاســــكندريــــة

التليفون : 01153491111

افتح منيو المنيو منيو ورقم مطعم المرسى للمأكولات البحرية | منيو مطاعم توصيل الطلبات - اطلب رقم المطعم Menu Restaurant
Advertisements

Leave a Reply